scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଏମିତି ବି ଆସେ ମୃତ୍ୟୁ : ଟିଭି ଫାଟି ସ୍ତ୍ରୀ ମୃତ, ସ୍ବାମୀ ଓ ପୁଅ ଗୁରୁତର

22/02/2020 at 8:53 AM

ସୁନ୍ଦରଗଡ ୨୨।୦୨: ଟିଭି ଦେଖା ହେଲା କାଳ । ସୁନ୍ଦରଗଡ଼ ଧରୁଆଡିହି ଲହଣ୍ଡାବୁଡ ଗାଁରେ ଅଘଟଣ ଘଟିଛି । ଶୁକ୍ରବାର ସଂଧ୍ୟାରେ ଘରେ ବସି ଟିଭି ଦେଖିଥିଲେ ଲହାଣ୍ଡାଗୁଡ ଗାଁର ଡିଲେଶ୍ବର ନାଏକ, ତାଙ୍କ ପତ୍ନୀ ବବି ନାଏକ ଓ ୬ମାସର ଶିଶୁ । ତେବେ ଟିଭି ଫାଟି ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ସ୍ବାମୀ ଓ ଶିଶୁ ଗୁରୁତର ଅଛନ୍ତି । ଦୁଇ ଗୁରୁତରଙ୍କୁ ରାଉରକେଲା IGH ସ୍ଥାନାନ୍ତର କରାଯାଇଛି ।

ସୂଚନାଯୋଗ୍ୟ ଯେ,  ଶୁକ୍ରବାର ସଂଧ୍ୟାରେ ଲହଣ୍ଡାବୁଡ ଗାଁର ଡିଲେଶ୍ବର ନାଏକ ପତ୍ନୀ ବବି ନାଏକଙ୍କ ସହ ବସି ଟିଭି ଦେଖୁଥିଲେ । ହଠାତ ଟିଭି ଜୋରରେ ସାଉଣ୍ଡ ହୋଇ ଫାଟିଯାଇଥିଲା । ଘଟଣାସ୍ଥଳରେ ଡିଲେଶ୍ବର, ବବି ଓ ୬ ମାସର ଶିଶୁ ପୋଡି ଯାଇଥିଲେ । ଚିତ୍କାର ଶୁଣି ପାଖରେ ଥିବା ଲୋକେ ଅଗ୍ନିଶମ ବିଭାଗ ଓ ଧୁରୁଆଡିହି ପୋଲିସକୁ ଜଣାଇଥିଲେ । ସଙ୍ଗେ ସଙ୍ଗେ ୩ ଜଣଙ୍କୁ ଆମ୍ବୁଲାନ୍ସରେ ସୁନ୍ଦରଗଡ ମୁଖ୍ୟ ମେଡିକାଲକୁ ନିଆଯାଇଥିଲା । ତେବେ ମେଡିକାଲରେ ଚିକିତ୍ସାଧୀନ ଅବସ୍ଥାରେ ବବିଙ୍କର ମୃତ୍ୟୁ ହୋଇଥିଲା । ଡିଲେଶ୍ବର ଓ ଶିଶୁର ଅବସ୍ଥା ସଂକଟାପନ୍ନ ଥିବାରୁ ରାଉରକେଲା ଆଇଜିଏଚକୁ ସ୍ଥାନାନ୍ତର କରାଯାଇଛି । ସର୍ଟ ସର୍କିଟ ଯୋଗୁ ଟିଭି ଫାଟିଥିବା ସନ୍ଦେହ କରାଯାଉଛି । ପୋଲିସ ମାମଲା ରୁଜୁ କରି ତଦନ୍ତ କରୁଛି ।

   Related Posts