ମୁମ୍ଵାଇ ୦୬।୦୩: ବିଟାଉନ୍‌ର ପପୁଲାର ଷ୍ଟାର ରଣବୀର କପୁର-ଶ୍ରଦ୍ଧା କପୁର । ଦୁହିଁଙ୍କୁ ପ୍ରଥମ ଥର ଏକାଠି ସ୍କ୍ରିନ୍‌ ସେୟାର କରିବେ। ଫିଲ୍ମ ‘ତୁ ଝୁଠି ମେଁ ମକ୍କାର’ ମୁକ୍ତିଲାଭ କରିବାକୁ ପୁରାପୁରି ପ୍ରସ୍ତୁତ। ପଠାନଙ୍କ ପରେ ନିର୍ମାତା ଏହି ଫିଲ୍ମରୁ ବହୁତ ଆଶା ରଖିଛନ୍ତି । ଯାହା ବକ୍ସ ଅଫିସରେ ଧମାଲ କରିବ। ଏହାର ଆଡଭାନ୍ସ ବୁକିଂ ମଧ୍ୟ ଭଲ ପ୍ରତିକ୍ରିୟା ପାଇଛି । କିଛି ସମୟ ପାଇଁ ବଲିଉଡରେ ରୋମାଣ୍ଟିକ୍ ଚଳଚ୍ଚିତ୍ର ବଡ଼ ପରଦାରେ ରିଲିଜ୍ ହେଉନାହିଁ । କିନ୍ତୁ ବର୍ତ୍ତମାନ ରଣବୀର-ଶ୍ରଦ୍ଧାଙ୍କ ଫିଲ୍ମ ରିଲିଜ୍ ପାଇଁ ପ୍ରସ୍ତୁତ ଥିବାରୁ ବାଣିଜ୍ୟ ବିଶ୍ଳେଷକମାନେ ବିଶ୍ୱାସ କରୁଛନ୍ତି ଯେ ଏହା ଏକ ଭଲ ପ୍ରତିକ୍ରିୟା ପାଇବ।

ବଲିଉଡର ରୋମାଣ୍ଟିକ୍ ରିଲିଜ୍ ବିଷୟରେ କହିବାକୁ ଗଲେ, ୨୦୨୦ରେ ମୁକ୍ତିଲାଭ କରିଥିବା ଶେଷ ରୋମାଣ୍ଟିକ୍ ଡ୍ରାମା ଥିଲା ଲଭ୍ ଆଜ୍ କଲ୍ । ହେଲେ ବକ୍ସ ଅଫିସରେ ବିଶେଷ ପ୍ରଦର୍ଶନ କରିପାରି ନଥିଲେ । କିନ୍ତୁ ଆଡଭାନ୍ସ ବୁକିଂରେ ‘ତୁ ଝୁଠି ମେଁ ମକ୍କାର’ ଭଲ ପ୍ରତିକ୍ରିୟା ଗ୍ରହଣ କରୁଛି। ରବିବାର ସୁଦ୍ଧା ଏହି ଚଳଚ୍ଚିତ୍ର ପ୍ରମୁଖ ମଲ୍ଟିପ୍ଲେକ୍ସ ଚେନରେ ୧୦,୭୦୦ ଟିକେଟ୍ ବିକ୍ରି କରିସାରିଛି । ବର୍ତ୍ତମାନ ଫିଲ୍ମ ରିଲିଜ୍ ପାଇଁ ଦୁଇ ଦିନ ବାକି ଅଛି । ଏଭଳି ପରିସ୍ଥିତିରେ ଫିଲ୍ମର ଏହି ଅଗ୍ରୀମ ବୁକିଂ ଆହୁରି ଭଲ ହୋଇପାରେ ବୋଲି ଆଶା କରାଯାଉଛି। ମୁଖ୍ୟ ଭୂମିକାରେ ରଣବୀର କପୁର ଏବଂ ଶ୍ରଦ୍ଧା କପୁରଙ୍କ ବ୍ୟତୀତ ଚଳଚ୍ଚିତ୍ରରେ ଅନୁଭବ ସିଂ ବସି ଏବଂ ଡିମ୍ପଲ୍ କାପାଡିଆ ମଧ୍ୟ ଅଭିନୟ କରିଛନ୍ତି।

ରୋମାଣ୍ଟିକ୍-କମେଡି ଧାରାବାହିକରେ ଚଳଚ୍ଚିତ୍ର ନିର୍ମାତା ଲଭ୍ ରଂଜନଙ୍କର ନିର୍ଦ୍ଦେଶିତ ଏହି ଫିଲ୍ମ। ତାଙ୍କର ଶେଷ ଚଳଚ୍ଚିତ୍ର ‘ସୋନୁ କେ ଟିଟୁ କି ସ୍ଵିଟି’ ୧୦୮.୯୫  କୋଟି ଟଙ୍କା ସଂଗ୍ରହ କରି ହିଟ୍ ହୋଇଥିଲା। ମୁଖ୍ୟ ଭୂମିକାରେ କାର୍ତ୍ତିକ ଆର୍ଯ୍ୟନଙ୍କ ଅଭିନୀତ ‘ପ୍ୟାର୍ କା ପଞ୍ଚନାମା’ ଏବଂ ‘ପ୍ୟାର୍ କା ପଞ୍ଚନାମା -୨’ ମଧ୍ୟ ହିଟ୍ ହୋଇଥିଲା। ବର୍ତ୍ତମାନ ରଣବୀର କପୁରଙ୍କ ଫିଲ୍ମର ପ୍ରତିକ୍ରିୟାକୁ ଅପେକ୍ଷା କରାଯାଇଛି।