ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ORHDC ଦୁର୍ନୀତି ମାମଲା, IAS ବିନୋଦ କୁମାରଙ୍କ ସହ ୬ ଜଣଙ୍କୁ ଜେଲ୍‌ଦଣ୍ଡ ଶୁଣାଇଲେ ସ୍ପେଶାଲ୍‌ ଜଜ୍‌
  • ||
  • ଫିରୋଜାବାଦରେ ଛାତିଥରା ଅଗ୍ନିକାଣ୍ଡ, ଜିଅନ୍ତା ଜଳିଗଲେ ପରିବାରର ୬ଜଣ
  • ||
  • କୁହୁଡ଼ି ନେଲା ଜୀବନ; ରାସ୍ତା ଦେଖାନଯିବାରୁ ବସ୍‌କୁ ପିଟିଲା ଟ୍ରକ୍, ଦୁର୍ଘଟଣାରେ ଚାଲିଗଲା ୬ ଜୀବନ
  • ||
  • ଇଡିରେ ହାଜର ହେଲେ ଅବିନାଶ ପ୍ରିୟଦର୍ଶୀ, ସୁପ୍ରିମ ଅଟୋ ମୋବାଇଲ ମୁଖ୍ୟ ପରିଚାଳକ ହେଲେ ଅବିନାଶ
  • ||

ୟୁଟ୍ୟୁବ ଦେଖି କରୁଥିଲେ ଗର୍ଭପାତ : ପଡିଗଲା ମହଙ୍ଗା, ଅବସ୍ଥା ଖରାପ ହେବାରୁ ହସ୍ପିଟାଲରେ ହେଲେ ଭର୍ତ୍ତି

28/09/2021 at 11:15 AM

ମହାରାଷ୍ଟ୍ର ୨୮/୦୯: ୟୁଟ୍ୟୁବ କାହା ପାଇଁ ସୁଫଳ ହେଉଛି କାହା ପାଇଁ କାଳ ସାଜୁଛି । ଅନେକ ଲୋକେ ଏହି ୟୁଟ୍ୟୁବ ଦେଖି ବ୍ୟବସାୟତଥା ଅନେକ କ୍ଷେତ୍ରରେ ସଫଳତା ହାସଲ କରୁଥିବା ବେଳେ ଆଉ କିଛି ଭୟାନକ ଦୁର୍ଘଟଣାର ଶିକାର ହେଉଛନ୍ତି । ଏମିତି ଜଣେ ମହାରାଷ୍ଟ୍ରର ନାଗପୁରରେ ୨୫ ବର୍ଷ ବୟସ୍କା ମହିଳାଙ୍କ ଅବସ୍ଥା ଏମିତି ହୋଇଛି ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ ପଡିଛି । ତାଙ୍କ ସ୍ୱାସ୍ଥ୍ୟବସ୍ଥା ବର୍ତ୍ତମାନ ଗୁରୁତର ରହଛି ।

ସୂଚନା ଥାଉକି ୨୫ ବର୍ଷୀୟା ମହିଳା ଜଣଙ୍କ ଗର୍ଭବତୀ ଥିଲେ । ସେ ୟୁଟ୍ୟୁବରେ ଏକ ଭିଡିଓ ଦେଖିବା ପରେ ତାଙ୍କୁ ନିଜର ଗର୍ଭ ନଷ୍ଟ କରିବାକୁ ଚେଷ୍ଟା କରିଥିଲେ । ହେଲେ ଏମିତି କରୁ କରୁ ତାଙ୍କ ଅବସ୍ଥା ବିଗିଡି ଯାଇଛି । ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା । ଏଥିସହ ତାଙ୍କୁ ଗର୍ଭବତୀ କରାଇଥିବା ବ୍ୟକ୍ତିଙ୍କ ବିରୋଧରେ ବଳାତ୍କାର ତଥା ଅନ୍ୟ ମାମଲା ରୁଜୁ କରାଯାଇଛି ।

ପୋଲିସର ଜଣେ ଅଧିକାରୀ କହିଛନ୍ତି ଯେ ଗୁରୁବାର ଦିନ ସହରର ଯଶୋଦରା ନାଗର ଅଞ୍ଚଳରେ ଏହି ଘଟଣା ଘଟିଛି । ସେ କହିଛନ୍ତି, ‘ମହିଳା ଆମକୁ କହିଛନ୍ତି ଯେ ସୋଏବ ଖାନ ନାମକ ଜଣେ ବ୍ୟକ୍ତି ବିବାହର ପ୍ରଲୋଭନ ଦେଖାଇ ୨୦୧୬ ମସିହାରୁ ତାଙ୍କୁ ବଳାତ୍କାର କରୁଥିଲେ । ଯେତେବେଳେ ସେ ଗର୍ଭବତୀ ହେଲେ, ଖାନ ୟୁଟ୍ୟୁବ ଦେଖି ଗର୍ଭପାତ କରିବାକୁ ପରାମର୍ଶ ଦେଇଥିଲେ।

ଏମିତିକି ସେହି ଅନୁସାରେ ଔଷଧ ନେବାକୁ ବି କହିଥିଲେ । ସେ କହିଛନ୍ତି ଯେ ଗର୍ଭପାତ କରିବାକୁ ଚେଷ୍ଟା କରୁଥିବାବେଳେ ମହିଳାଙ୍କ ଅବସ୍ଥା ବିଗିଡି ଯାଇଥିଲା । ପରିବାର ସଦସ୍ୟ ତାଙ୍କୁ ଡାକ୍ତରଖାନା ନେବାକୁ ପଡୁଥିଲା । ଏବେ ବଳାତ୍କାର ଅଭିଯୋଗରେ ଖାନଙ୍କୁ ଗିରଫ କରାଯାଇଛି ।

   Related Posts