Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ଶିଖ୍ ପୋଲିସ ଅଧିକାରୀଙ୍କ ନାଁରେ ନାମିତ ହେଲା ହୋଷ୍ଟନ୍‌ର ପୋଷ୍ଟ୍ ଅଫିସ, ନୂଆ ଆଇନକୁ ମୋହର ମାରିଲେ ଟ୍ରମ୍ପ

22/12/2020 at 6:23 PM

ନୂଆଦିଲ୍ଲୀ ୨୨/୧୨ : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର ହୋଷ୍ଟନ୍‌ର ଏକ ପୋଷ୍ଟ୍ ଅଫିସର ନାଁକୁ ଜଣେ ଭାରତୀୟଙ୍କ ନାଁରେ ନାମିତ କରିବାକୁ ସୁପାରିଶ କରିଛନ୍ତି । ଭାରତୀୟ ଶିଖ୍ ପୋଲିସ ଅଧିକାରୀ ସନ୍ଦୀପ ସିଂ ଢଲିୱାଲଙ୍କ ନାଁରେ ନାମିତ ହେବ ହୋଷ୍ଟନ୍‌ର ହୋଓ୍ବେଲ୍‌ ରୋଡ୍‌ରେ ଥିବା HR-5317 ପୋଷ୍ଟ ଅଫିସ୍ । ଏହି ନୂଆ ଆଇନକୁ ମୋହର ମାରିଛି ଆମରିକା କଂଗ୍ରେସ ।   

ସୂଚନା ଅନୁସାରେ, ବର୍ଷେ ପୂର୍ବରୁ ହୋଷ୍ଟନ୍‌ର ଏକ ଟ୍ରାଫିକ୍ ପୋଷ୍ଟରେ କାର୍ଯ୍ୟରତ ଶିଖ୍ ପୋଲିସ ଅଧିକାରୀ ସନ୍ଦୀପ ସିଂ ଢଲିୱାଲଙ୍କୁ ଆତତାୟୀମାନେ ଗୁଳିକରି ହତ୍ୟା କରିଥିଲେ । ସହିଦଙ୍କ ସ୍ମୁତିରେ ଆମେରିକା ସରକାର ହୋଷ୍ଟନରେ ଥିବା ଏକ ପୋଷ୍ଟ ଅଫିସକୁ ଢଲିୱାଲ ପୋଷ୍ଟ୍ ଅଫିସ୍ ନାମରେ ନାମିତ କରିଛନ୍ତି ।

ଦ୍ବିତୀୟ ଆମେରିକୀୟ ଭାରତୀୟ ଭାବେ କୌଣସି ଜଣେ ପୋଲିସ ଅଧିକାରୀଙ୍କ ନାଁକୁ ଆମେରିକାର ପୋଷ୍ଟ ଅଫିସ ନାମରେ ନାମିତ କରାଯଇଛି । ଏହା ପୂର୍ବରୁ ୨୦୦୬ ମସିହାରେ କାଲିଫର୍ଣ୍ଣିଆର ଏକ ପୋଷ୍ଟ୍ ଅଫିସକୁ ଆମେରିକାନ କଂଗ୍ରେସ ସଦସ୍ୟ ତଥା ଭାରତୀୟ ଆମେରିକୀୟ ଦଲୀପ ସିଂହଙ୍କ ନାଁରେ ନାମିତ କରାଯାଇଥିଲା ।

ସନ୍ଦୀପ ସିଂ ଢଲିୱାଲ ଭାରତରେ ଜନ୍ମଗ୍ରହଣ କରିଥିଲେ । ପରେ ସେ ତାଙ୍କ ପରିବାର ସହିତ ଆମେରିକାର ହୋଷ୍ଟନକୁ ସ୍ଥାନାନ୍ତର ହୋଇଯାଇଥିଲେ । ୨୦୧୫ ମସିହାରେ, ଢଲିୱାଲ ଟେକ୍ସାସର ପ୍ରଥମ ଶିଖ୍ ଆମେରିକୀୟ ଭାବେ ପୋଲିସ ମେଡାଲ ଗ୍ରହଣ କରିଥିଲେ । ତେବେ ହୋଷ୍ଟନ୍‌ର ପୋଷ୍ଟ ଅଫିସ ଢଲିଓ୍ବାଲଙ୍କ ନାଁରେ ନାମିତ ହେବା ପରେ ତାଙ୍କ ପିତା ପ୍ୟାରା ସିଂହ କହିଛନ୍ତି, ‘ପୁଅକୁ ଏପରି ସମ୍ମାନରେ ସମ୍ମାନୀତ କରିଥିବାରୁ କୃତଜ୍ଞତା ଜ୍ଞାପନ କରୁଛି’ । ଏହି ସମ୍ମାନ ସ୍ମରଣୀୟ ହୋଇ ରହିବ ବୋଲି ସେ କହିଛନ୍ତି ।

   Related Posts