ନୂଆଦିଲ୍ଲୀ ୧୪/୦୬: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗିରଫ । ଗୋପନ ଦସ୍ତାବିଜ ରଖିବା ମାମଲାରେ ଗିରଫ ହୋଇଛନ୍ତି । ମିୟାମି ସଂଘୀୟ ଅଦାଲତରେ ଆତ୍ମସମର୍ପଣ କରିବା ପରେ ତାଙ୍କୁ ଗିରଫ କରାଯାଇଥିଲା । ଅଦାଲତରେ ୪୫ ମିନିଟ୍ ଧରି ବିଚାର ଚାଲିବା ପରେ ତାଙ୍କୁ ସର୍ତ୍ତମୂଳକ ଭାବେ ଛାଡ଼ି ଦିଆଯାଇଛି ।

US: Donald Trump leaves court after pleading not guilty to classified documents charges

Read @ANI Story | https://t.co/6wh0bc3ZGa#DonaldTrump #ClassifiedDocuments #US pic.twitter.com/JHqBwkPrrj

— ANI Digital (@ani_digital) June 13, 2023

ସର୍ତ୍ତ ରହିଛି ଯେ ସେ ଉକ୍ତ ମାମଲା ସମ୍ପର୍କରେ ତାଙ୍କର ଘନିଷ୍ଠ ସହଯୋଗୀ ୱାଲ୍ଟ ନୌଟାଙ୍କ ସହ କୌଣସି ଆଲୋଚନା କରିବେ ନାହିଁ । ୨୦୨୧ ଜାନୁଆରୀରେ ରାଷ୍ଟ୍ରପତି କାର୍ଯ୍ୟାଳୟ ଛାଡିବା ପରେ ଟ୍ରମ୍ପ ଜାତୀୟ ସୁରକ୍ଷା ସମ୍ବଳିତ ଅନେକ ଗୋପନ ଓ ଗୁରୁତ୍ୱପୂର୍ଣ୍ଣ ଦସ୍ତାବିଜ ତାଙ୍କ ଘରକୁ ନେଇଯାଇଥିଲେ । ଏ ନେଇ ତାଙ୍କ ନାମରେ ମାମଲା ହୋଇଥିଲା ।

ଏହା ପୂର୍ବରୁ ୨୦୧୬ ଆମେରିକା ରାଷ୍ଟ୍ରପତି ନିର୍ବାଚନ ବେଳେ ପର୍ଣ୍ଣଷ୍ଟାରକଙ୍କୁ ଟଙ୍କା ଦେଇ ପାଟି ଚୁପ କରିବା ମାମଲାରେ କୋର୍ଟରେ ହାଜର ହୋଇ ଗିରଫ ହୋଇଥିଲେ । ଅନ୍ୟପକ୍ଷରେ ଟ୍ରମ୍ପ ବାରମ୍ବାର ନିଜକୁ ନିର୍ଦ୍ଦୋଷ ଦାବି କରିଆସୁଛନ୍ତି । ତାଙ୍କୁ ରାଷ୍ଟ୍ରପତି ଜୋ ବାଇଡେନଙ୍କ ପ୍ରଶାସନ ଟାର୍ଗେଟ କରିଛି ବୋଲି ସେ ଅଭିଯୋଗ କରିଛନ୍ତି ।