ଦେବଗଡ: ଶନିବାର ଅପରାହ୍ନରେ ୪୯ ନମ୍ବର ଜାତୀୟ ରାଜପଥର ଖାରୁମୁଣ୍ଡା ଗ୍ରାମ ନିକଟରେ ଟ୍ରକ ଚାପାରେ ଜଣେ ବ୍ୟକ୍ତି ଙ୍କ ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣଙ୍କ ହେଲେ ବାରକୋଟ ଥାନା ଅନ୍ତର୍ଗତ ଝୁମ୍ପୁରା ଗ୍ରାମର ସନ୍ତୋଷ ପାତ୍ର। ସନ୍ତୋଷ ନିଜ ଗ୍ରାମକୁ ବସରେ ଯାଉଥିବା ବେଳେ ବସଟି ଖାରୁମୁଣ୍ଡା ଠାରେ ଥିବା ପେଟ୍ରୋଲ ପମ୍ପରେ ତେଲ ଭର୍ତ୍ତି କରୁଥିଲା। ଏହି ସମୟରେ ସନ୍ତୋଷ ବସରୁ ଓହ୍ଲାଇ ପରିସ୍ରା କରୁଥିବା ବେଳେ ଏକ ଟ୍ରକ ତାଙ୍କ ଉପରେ ମାଡିଯାଇଥିଲା। ଫଳରେ ଘଟଣାସ୍ଥଳରେ ସନ୍ତୋଷ ଙ୍କ ମୃତ୍ୟୁ ଘଟିଥିଲା । ଖବରପାଇ ଦେବଗଡ ଆଦର୍ଶ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଚିହ୍ନଟ କରିଛନ୍ତି । ଆସନ୍ତାକାଲି ଶବ ବ୍ୟବଛେଦ ପରେ ପରିବାର ଲୋକଙ୍କୁ ମୃତ ଦେହ ହସ୍ତାନ୍ତର କରାଯିବ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କୁ ଭେଟିଲେ ମୋହନ ମାଝୀ,...