ରାଉରକେଲାରେ ଜୁସ୍ ଦୋକାନ ଉପରକୁ ମାଡିଗଲା ଟ୍ରକ । ଦୋକାନ ଭିତରେ ଶୋଇଥିବା ୩ଜଣଙ୍କର ମୃତ୍ୟୁ ହୋଇଛି । ଗତକାଲି ବିଳମ୍ବିତ ରାତିରେ ରାଉରକେଲା କୁତ୍ରା ବଜାରରେ ଥିବା ଜୁସ୍ ଦୋକାନ ଉପରକୁ ମାଡଗଲା କୋଲଡ୍ରିଙ୍କସ ବୋଝେଇ ଟ୍ରକ । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିଲା । ବୁର୍ଲା ନେବା ବାଟରେ ଅନ୍ୟ ଦୁଇ ଜଣଙ୍କର ମୃତ୍ୟୁ ହୋଇଥିଲା । ମୃତକମାନେ ହେଲେ ଉତ୍ତର ପ୍ରଦେଶର ବ୍ରିଜେଶ ସୋରିଆ, ଜିଲେଦାର ସୋନାକାର, ଉଦର ସୋନାକାର । ଦୁର୍ଘଟଣା ଘଟାଇଥିବା ଟ୍ରକ ଡ୍ରାଇଭର ଓ ହେଲପରଙ୍କୁ ଅଟକ ରଖି ପୋଲିସ ପଚରା ଉଚରା କରୁଛି ।