ମାଥିଲି ୧୨।୦୯ :  ମାଲକାନଗିରି ଜିଲ୍ଲା ସପ୍ତଧାରା ନିକଟରେ ଦୁର୍ଘଟଣା । ଜୟପୁରରୁ ଭଦ୍ରଚାଳମ ଅଭିମୁଖେ ଯାଉଥିବା ଏକ କାଠ ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି । ଯାହାଫଳରେ ରାସ୍ତାର ଉଭୟ ପଟେ ଅଟକି ରହିଛି ଅନେକ ଗାଡି ।

ଖବର ଅନୁଯାୟୀ, ଜୟପୁରରୁ ଭଦ୍ରାଚଳମ ଯାଉଥିବା ଟ୍ରକ । ସୋମବାର ବିଳମ୍ବିତ ରାତିରେ ମାଲକାନଗିରି ସପ୍ତଧାରା ନିକଟରେ ଟ୍ରକଟି ଭାରସାମ୍ୟ ହରାଇ  ଓଲଟି ପଡିଥିଲା । ଗାଡିଟି ମୁଖ୍ୟ ରାସ୍ତାରେ ଓଲଟି ପଡିବାରୁ ୩୨୬ ନମ୍ବର ଜାତୀୟ ରାଜପଥ ବନ୍ଦ ହୋଇଯାଇଛି । ଯାହାଫଳରେ ମାଲକାନଗିରିରୁ ଜୟପୁରକୁ ଯାତାୟତ ପୁରା ଠପ୍‌ ହୋଇଯାଇଛି ।

ସେପଟେ ଯୁଦ୍ଧକାଳୀନ ଭିତିରେ ରାସ୍ତାରେ ପଡିଥିବା କାଠକୁ ସଫା କରାଯାଉଛି । ବର୍ଷା ଲାଗି ରହିଥିବାରୁ ସଫେଇ କାମରେ ବିଳମ୍ବ ହେଉଥିବା ଜଣାପଡିଛି । ରାସ୍ତାର ଉଭୟ ପଟେ ଶହ ଶହ ଗାଡିମୋଟର ଅଟକ ରହିଛି ।