ନୟାଗଡ ୦୭/୦୨: ନୟାଗଡ ରଣପୁର ଥାନା ସାନଗଡ ଛକରେ ମର୍ମନ୍ତୁଦ ଦୁର୍ଘଟଣା । ଫଳରେ ଜଣେ ମୃତ ଜଣେ ଗୁରୁତର । ମୃତକ ହେଲେ କଙ୍କିଆ ଗାଁର ରଙ୍କନାଥ ବଳିଆରସିଂ । ଗୁରୁତର ଗୌରାଙ୍ଗ ଗାଁର ରାମଚନ୍ଦ୍ର ରଥଙ୍କୁ ଭୂବନେଶ୍ବର ସ୍ଥାନାନ୍ତର ।
ସୂଚନା ଥାଉକି, ମଧୁବାସନ୍ତି ଗଣନାଟ୍ୟର ଟ୍ରକଟି ନୟାଗଡ ପଟୁ ରଣପୁର ଅଭିମୁଖେ ଯାଉଥିବା ସମୟରେ ସାନଗଡ ଛକରେ ଟିଭିଏସ୍ ଗାଡିକୁ ଧକ୍କା ଦେଇଥିଲା । ଟ୍ରକର ଚକା ରଙ୍କନାଥଙ୍କ ମୁଣ୍ଡ ଉପରେ ଚଢ଼ିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।
ଘଟଣାସ୍ଥଳରେ ପୋଲିସ ଏବଂ ଦମକଳ ବାହିନୀ ପହଞ୍ଚି ଗୁରୁତରଙ୍କୁ ମେଡିକାଲ୍ ସ୍ଥାନାନ୍ତର କରିଥିଲେ । ଦୁର୍ଘଟଣା ଘଟାଇ ଟ୍ରକ୍ ପଳାଯାଉଥିବାବେଳେ ସ୍ଥାନୀୟ ଲୋକମାନେ ପିଛାକରି ଟ୍ରକ୍ ଏବଂ ଡ୍ରାଇଭରକୁ ଅଟକାଇ ପୋଲିସ ଜିମା ଦେଇଛନ୍ତି ।
