ନୂଆପଡା, ୧୭/୧୧: ନୂଆପଡ଼ା ସିନାପାଲି ଥାନା ଅଞ୍ଚଳରେ ମର୍ମନ୍ତୁଦ ଦୁର୍ଘଟଣା ଘିଟିଛି । ଟ୍ରକ ଧକ୍କାରେ ଜଣେ କଲେଜ ଛାତ୍ରୀଙ୍କ ମୃତ ହୋଇଥିବା ବେଳେ ଅନ୍ୟଜଣେ ଗୁରୁତର ହୋଇଛନ୍ତି । ତାଙ୍କୁ ସିନାପାଲି ହସ୍ପିଟାଲରେ ଭର୍ତ୍ତି କରାଯାଇଛି । ମୃତକ ସିନାପାଲି ଥାନା ଗୋର୍ଲ୍ଲା ଗ୍ରାମର ବେଦମତି ମାଝୀ ବୋଲି ଜଣାପଡ଼ିଛି ।
ମିଳିଥିବା ସୂଚନା ଅନୁସାରେ ସିନାପାଲି ଓମେନ୍ସ କଲେଜରୁ ଦୁଇଜଣ ସାଙ୍ଗ ସାଇକେଲ ଯୋଗେ ଘରକୁ ଫେରୁଥିବା ବେଳେ ଚଟିଆଗୁଡା ପାଖରେ ସାମ୍ନାରୁ ଏକ ଟ୍ରକ ସେମାନଙ୍କୁ ଧକ୍କା ଦେଇଥିଲା । କିଛି ଦୂର ଗଲା ପରେ ଟ୍ରକକୁ ଛାଡି ଡ୍ରାଇଭର ଫେରାର୍ ହୋଇଯାଇଥିଲା । କ୍ଷତିପୂରଣ ଦାବିରେ ଫୋରୱେ ରାସ୍ତାରେ ମୃତଦେହ ରଖି ରାସ୍ତାରୋକ କରିଛନ୍ତି ପରିବାର ଲୋକେ । ଘଟଣାସ୍ଥଳରେ ସିନାପାଲି ପୋଲିସ ପହଞ୍ଚି ଟ୍ରକକୁ ଜବତ କରିବା ସହ ତଦନ୍ତ ଆରମ୍ଭ କରିଛି ।