ନୂଆଦିଲ୍ଲୀ: ବିରୋଧୀ ମେଣ୍ଟକୁ ଝଟକା । ରାଜ୍ୟସଭାର ମୌସୁମୀ ଅଧିବେଶନରୁ ବାଦ ପଡ଼ିଲେ ସାଂସଦ ଡେରିକ୍ ଓବ୍ରେନ୍ । ସଂସଦରେ ଅନାସ୍ଥା ପ୍ରସ୍ତାବ ଉପରେ ଚର୍ଚ୍ଚା ସମୟରେ ରାଜ୍ୟସଭାରୁ ନିଲମ୍ବିତ ହୋଇଛନ୍ତି ଟିଏମସି ସାଂସଦ। ଆପତ୍ତିଜନକ ବ୍ୟବହାର ପାଇଁ ତାଙ୍କୁ ରଜ୍ୟସଭା ଅଧ୍ୟକ୍ଷ ବା ଉପ-ରାଷ୍ଟ୍ରପତି ଜଗଦିପ୍ ଧନକଡ ବାକି ରହିଥିବା ମୌସୁମୀ ଅଧିବେଶନରୁ ତାଙ୍କୁ ସ୍‌ସପେଣ୍ଡ କରିଛନ୍ତି । ଏହାକୁ ଟିଏମସି ସାଂସଦମାନେ ଜୋରଦାର ହଙ୍ଗାମା କରିଛନ୍ତି ।

TMC MP in Rajya Sabha Derek O’Brien suspended for the remainder of the current Parliament session “for unruly behaviour unbecoming of a Member of Rajya Sabha.”

Leader of the House Piyush Goyal moved a motion for his suspension “for continuously disturbing the proceedings of the… https://t.co/cWFJvhRmYt pic.twitter.com/o6sU758QiX

— ANI (@ANI) August 8, 2023

ସୋମବାର ରାଜ୍ୟସଭାରେ ଦିଲ୍ଲା ସେବା ବିଲ୍ ପାରିତ ହେବା ସମୟରେ ନାଟକୀୟଭାବେ ଆପତ୍ତଜନକ ବ୍ୟବହାର ଦେଖାଇଥିବା ଅଭିଯୋଗ ଲଗାଇଛନ୍ତି ରାଜ୍ୟସଭା ଅଧ୍ୟକ୍ଷ ଜଗଦିପ୍ ଧନକଡ । ତୃଣମୂଳ କଂଗ୍ରେସର ସଦସ୍ୟ ଗୃହରେ  ରାଷ୍ଟ୍ରୀୟ ରାଜଧାନୀ ଦିଲ୍ଲୀ ସେବା ବିଲକୁ ସୀମିତ ରଖିବାକୁ ମନା କରିବା ସହିତ କେନ୍ଦ୍ର ସରକାରଙ୍କ ବିରୋଧରେ ନାରାବାଜି ଏବଂ ଅଭଯୋଗର ଗୋଟିଏ ପରେ ଗୋଟିଏ ଫର୍ଦ୍ଦ ରଖିଥିଲେ । ଏହାକୁ ନେଇ ଅଧ୍ୟକ୍ଷ ଜଗଦୀପ୍ ଧନକଡ୍ ଟିଏମସି ସାଂସଦ ଡେରିକ୍ ଓବ୍ରେନଙ୍କୁ ନିଲମ୍ବିତ କରିଛନ୍ତି ।  

ସେପଟେ ଲୋକସଭାରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ଆରମ୍ଭ ହୋଇଯାଇଛି । ସାଂସଦ ଗୌରବ ଗୋଗୋଇ ପ୍ରାରମ୍ଭରୁ କେନ୍ଦ୍ର ସରକାର ଉପରେ ହମଲା କରିଛନ୍ତି । ମଣିପୁରରେ ହିଂସା ଓ ମହିଳାଙ୍କୁ ବିବସ୍ତ୍ର ମାମଲାରେ କଂଗ୍ରେସ ଟାର୍ଗେଟ୍ କରିଛି । ଗୋଟିଏ ପରେ ଗୋଟିଏ ଅଭିଯୋଗ ଉପସ୍ଥାପନା କରିବା ସହିତ ମଣିପୁରରେ ଡବଲ ଇଞ୍ଜିନ ସରକାରର ବିଫଳତା ବଖାଣୁଛନ୍ତି । ଅନାସ୍ଥା ପ୍ରସ୍ତାବ ଚର୍ଚ୍ଚା ପାଇଁ ବିଜେପିକୁ ୬ଘଣ୍ଟା ୪୧ ମିନିଟ୍ ଏବଂ କଂଗ୍ରେସକୁ ମିଳିବ ୧ଘଣ୍ଟା ୧୫ ମିନିଟ୍ ମିଳିଛି । ସମୁଦାୟ ଚର୍ଚ୍ଚା ପ୍ରାୟ ୧୨ ଘଣ୍ଟା ଚାଲିବ । ଆଜି ଏବଂ ଆସନ୍ତକାଲି ଅନାସ୍ଥା ପ୍ରସ୍ତାବ ଉପରେ ଗୃହରେ ଆଲୋଚନା ହେବ। ଆସନ୍ତା ୧୦ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ଉପରେ ଜବାବ ରଖିବେ ।