ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ରଥଯାତ୍ରା ବେଳେ ପୁରୀକୁ ଯାତ୍ରୀ ପରିବହନ ନେଇ ଉଚ୍ଚସ୍ତରୀୟ ବୈଠକ, ନିଆଗଲା ଗୁରୁତ୍ବପୂର୍ଣ୍ଣ ନିଷ୍ପତ୍ତି

10/06/2019 at 8:41 PM

କଟକ ୧୦।୬:   ରଥଯାତ୍ରାରେ ପୁରୀକୁ ଯାତ୍ରୀ ପରିବହନ ବ୍ୟବସ୍ଥାକୁ ସୁବ୍ୟବସ୍ଥିତ କରିବା ପାଇଁ କେନ୍ଦ୍ରାଞ୍ଚଳ ଆରଡିସିଙ୍କ ଅଧ୍ୟକ୍ଷତାରେ ପରିବହନ ବିଭାଗର ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଛି । ଯେଉଁଥିରେ ଯାତ୍ରୀମାନଙ୍କ ପାଇଁ ଅଧିକ ବସ୍‌ ଚଳାଚଳର ସୁବିଧା, ଟ୍ରାଫିକ୍‌ ନିୟନ୍ତ୍ରଣ ଭଳି ବିଭିନ୍ନ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରାଯାଇଛି ।

କେନ୍ଦ୍ରାଞ୍ଚଳ ଆରଡିସିଙ୍କ ଅଧ୍ୟକ୍ଷତାରେ କଟକରେ ଏନେଇ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଥିବା ବେଳେ ଅନେକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନିଆଯାଇଛି । ରଥଯାତ୍ରା ସମୟରେ ଅଧିକ ସଂଖ୍ୟକ ଯାତ୍ରୀଙ୍କ ଆଗମନକୁ ନଜରରେ ରଖି ଅଧିକ ସଂଖ୍ୟକ ବସ୍‌ଗୁଡ଼ିକୁ ଅସ୍ଥାୟୀ ପରମିଟ୍‌ ଦେବାକୁ ପରିବହନ ବିଭାଗ ନିଷ୍ପତ୍ତି ନେଇଛନ୍ତି । ଏହି ସମୟରେ ରାଜପଥରେ ଭିଡ଼ ନିୟନ୍ତ୍ରଣ ପାଇଁ ୪ଜଣ ଏମଭିଆଇ ଏବଂ ୪ଜଣ ଜୁନିଅର ଏମଭିଆଇଙ୍କୁ ଦାୟିତ୍ବ ଦିଆଯିବ । ବସ୍‌ମାଲିକ ମାନେ ଯେଭଳି ଯାତ୍ରୀଙ୍କୁ ଶୋଷଣ ନକରନ୍ତି ସେଥିପାଇଁ ସବୁ ବସ୍‌ରେ ରେଟ୍‌ ଚାର୍ଟ ମଧ୍ୟ ଲାଗିବ ।

ପରିବହନ ବିଭାଗର ଏହି ପ୍ରସ୍ତୁତି ବୈଠକରେ ଯୋଗଦେଇଥିବା ଘରୋଇ ବସ ମାଲିକମାନେ ରଥଯାତ୍ରା ସମୟରେ କଟକ-ପୁରୀ ବସ୍‌ ଭଡ଼ାକୁ ୧୦ଟଙ୍କା ବୃଦ୍ଧି କରିବାକୁ ଦାବି କରିଥିଲେ । ହେଲେ ପରିବହନ କମିଶନର ଏହାକୁ ପ୍ରତ୍ୟାଖ୍ୟାନ କରିଛନ୍ତି । ନିର୍ଦ୍ଧାରିତ ବସ୍‌ ଭଡ଼ା ଠାରୁ ଅଧିକ ଭଡ଼ା ଆଦାୟ କଲେ ବସ୍‌ ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ସ୍ବତନ୍ତ୍ର ପରିବହନ ଅଧିକାରୀଙ୍କୁ ଦାୟିତ୍ବ ଦେଇଛନ୍ତି ।

ଘୋଷଯାତ୍ରା ପାଇଁ ପୁରୀକୁ ଅଧିକ ୨ଶହ ବସ ଚଳଚଳା ପାଇଁ ନିଷ୍ପତ୍ତି ନିଆଯାଇଛି । ପୁରୀ ତାଳବଣିଆରେ ଯାତ୍ରୀମାନଙ୍କ ପାଇଁ ବିଶ୍ରାମ କକ୍ଷ, ଖାଦ୍ୟ ପାନୀୟ ବ୍ୟବସ୍ଥା କରାଯିବ । ଯାତ୍ରୀମାନଙ୍କୁ ଯିବା ଆସିବା ପାଇଁ ବସ୍‌ ସମ୍ପର୍କରେ ସୂଚନା ଦେବାକୁ ସେହିଠାରେ ଏକ ହେଲ୍ପଡେସ୍କ ରହିବ । ଭିନ୍ନକ୍ଷମଯାତ୍ରୀମାନଙ୍କୁ ତାଳବଣିଆ ବସଷ୍ଟାଣ୍ଡରୁ ବଡ଼ଦାଣ୍ଡ ପର୍ଯ୍ୟନ୍ତ ନେବା ଆଣିବା ପାଇଁ ଇ-ରିକ୍ସାର ବ୍ୟବସ୍ଥା କରାଯିବ ।

   Related Posts