ମୁମ୍ଵାଇ ୦୭।୦୬: ବଲିଉଡ ଅଭିନେତା ସୋନୁ ସୁଦ । ସେ କେବଳ ଅଭିନେତା ନୁହଁନ୍ତି । ସେ ହଜାର ହଜାର ଲୋକଙ୍କ ପାଇଁ ପାଲଟିଛନ୍ତି ଭଗବାନ। ଯେଉଁଥି ପାଇଁ ପ୍ରଶଂସକମାନେ ତାଙ୍କ ଅଭିନୟ ତଥା ଉଦାରତା ପାଇଁ ଭଲ ପାଆନ୍ତି । ସେ ସବୁବେଳେ ସୋସିଆଲ ମିଡିଆ ମାଧ୍ୟମରେ ଲୋକଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି । କରୋନା ଅବଧିରେ, ସେ ଅନେକ ପରିବାରକୁ ରେ ସାହାଯ୍ୟ କରିଥିଲେ । ଏବେ ପୁଣି ଥରେ ଅଭିନେତା ତାଙ୍କର ଉଦାରତାର ପ୍ରମାଣ ଦେଇଛନ୍ତି । ସୋନୁ ବର୍ତ୍ତମାନ ବାହାନଗାରେ ଘଟିଥିବା ଯନ୍ତ୍ରଣାଦାୟକ ଟ୍ରେନ୍ ଦୁର୍ଘଟଣାରେ ପୀଡିତଙ୍କ ପରିବାରକୁ ସାହାଯ୍ୟ କରିବାର ଦାୟିତ୍ଵ ଗ୍ରହଣ କରିଛନ୍ତି।

୩ ଜୁନରେ, ସୋନୁ ସୁଦ ଏକ ହୃଦୟସ୍ପର୍ଶୀ ବାର୍ତ୍ତା ସେୟାର କରି ଟ୍ରେନ୍ ଦୁର୍ଘଟଣାରେ ନିଜ ପ୍ରିୟଜନଙ୍କୁ ହରାଇଥିବା ଲୋକଙ୍କ ପରିବାର ପ୍ରତି ସମବେଦନା ଜଣାଇଥିଲେ। ବର୍ତ୍ତମାନ ଏହି ଅଭିନେତା ଲୋକଙ୍କୁ ସାହାଯ୍ୟ କରିବାକୁ ଏକ ଟୁଇଟ୍ କରିଛନ୍ତି। ଯେଉଁଥିରେ ସେ ହେଲପ୍‌ ଲାଇନ୍‌ ନମ୍ଵର ସେୟାର କରିଛନ୍ତି।  ଲୋକମାନେ ତାଙ୍କ ଟିମ୍‌ ସହ ଯୋଗାଯୋଗ କରିପାରିବେ। ଦୁର୍ଘଟଣାରେ ପରିବାରକୁ ହରାଇଥିବା ଲୋକଙ୍କ ଜୀବନକୁ ପୁନନିର୍ମାଣ କରିବା ପାଇଁ ତାଙ୍କ ଚ୍ୟାରିଟି ଫାଉଣ୍ଡେସନର କାମ ଆରମ୍ଭ କରିଛି । ପୀଡିତମାନଙ୍କୁ ସାହାଯ୍ୟ କରିବାକୁ ଆଗକୁ ଆସିଥିବାରୁ ପ୍ରଶଂସକମାନେ ସୋସିଆଲ ମିଡିଆରେ ଅଭିନେତାଙ୍କୁ ପ୍ରଶଂସା କରୁଛନ୍ତି।

Heartbroken by the news of the train tragedy in Odisha. Heartfelt deepest condolences 💔🙏
Time to show our support and solidarity for the unfortunates. 💔#OdishaTrainAccident 🇮🇳 pic.twitter.com/ZfuYYp8HK9

— sonu sood (@SonuSood) June 3, 2023

ସୋସିଆଲ ମିଡିଆରେ ସୋନୁ ସୁଦଙ୍କ ଦୟାଳୁ ଭାବକୁ ଦେଖି ଲୋକମାନେ ପ୍ରଶଂସା କରୁଛନ୍ତି । ଜଣେ ୟୁଜର୍ସ କମେଣ୍ଟ ଦେଇଛନ୍ତି, “ଏହା ତୁମ ଠାରୁ ଆଶା କରାଯାଉଥିଲା ଭାଇ ଏବଂ ଏଥର ମଧ୍ୟ ତୁମେ ତୁମର ଆଶା ପୂରଣ କରିଛ।  ଅନ୍ୟ ଜଣେ ଲେଖିଛନ୍ତି, “କୃଷକ ଶ୍ରମିକ ଏବଂ ଗରିବଙ୍କ ପୁଅ ଯିଏ ଅନ୍ୟ ରାଜ୍ୟରେ କାମ କରିବାକୁ ଯାଉଥିଲା। ଏହି ଟ୍ରେନ୍ ଦୁର୍ଘଟଣାର ସମ୍ମୁଖୀନ ହୋଇଛି। ତାଙ୍କ ପରିବାରକୁ ସାହାଯ୍ୟ କରିଥିବାରୁ ଧନ୍ୟବାଦ ସାର୍”।