ବାଲେଶ୍ଵର: ବାହାନଗାରେ ଘଟିଥିବା ଛାତିଥରା ରେଳ ଦୁର୍ଘଟଣାକୁ ନେଇ ଘଟଣାସ୍ଥଳରେ ଶନିବାର ରେଳ ମନ୍ତ୍ରୀ ଅଶ୍ଵିନୀ ବୈଷ୍ଣବ ଏବଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମଧ୍ୟରେ କଥା କଟାକଟି ହୋଇଛି। ଏହି ସମୟରେ ମମତା ବାନାର୍ଜୀ ରେଲଓ୍ଵେର ଭୂମିକା ଉପରେ ପ୍ରଶ୍ନ ଉଠାଇଛନ୍ତି। ପୂର୍ବରୁ ରେଳ ମନ୍ତ୍ରୀ ଥିବା ମମତା ରେଲଓ୍ଵେର କମ୍ୟୁନିକେଶନ ଉପରେ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି, ଲାଗୁଛି ରେଲଓ୍ଵେରେ ଯୋଗାଯୋଗର ଅଭାବ ରହିଛି। ରେଲଓ୍ଵେକୁ ସବୁଠୁ ଅଧିକ ସାବଧାନ ରହିବାର ଆବଶ୍ୟକତା ରହିଛି। ଲାଗୁଛି ରେଲଓ୍ଵେକୁ ଉପେକ୍ଷା କରାଯାଉଛି।

ମମତା ଏହା ମଧ୍ୟ ଜଣାଇଛନ୍ତି ଯେ, ସେ ରେଳ ମନ୍ତ୍ରୀ ଥିବା ସମୟରେ କଣ କଣ ବ୍ୟବସ୍ଥା କରିଥିଲେ। ଏହି ସମୟରେ ମୃତକଙ୍କ ସଂଖ୍ୟାକୁ ନେଇ ମମତା ଏବଂ ଅଶ୍ଵିନୀଙ୍କ ମଧ୍ୟରେ କିଛି ସମୟ କଥା କଟାକଟି ହୋଇଥିଲା। ମମତା ମୃତ ସଂଖ୍ୟା ଭୁଲ୍ କହିବାରୁ ରେଳ ମନ୍ତ୍ରୀ ଅଟକାଇ ମୃତକଙ୍କ ସଂଖ୍ୟା ୫୦୦ ନୁହେଁ ବରଂ ୨୩୮ ବୋଲି କହିଥିଲେ। ଆହୁରି ୩ଟି ବଗିରେ ମୃତଦେହ ରହିଛି ତେଣୁ ମୃତ୍ୟୁ ସଂଖ୍ୟା ବଢିବ ବୋଲି ମମତା କହିଥିଲେ। ଉଦ୍ଧାରକାର୍ଯ୍ୟ ସରିଗଲାଣି ବୋଲି ବୈଷ୍ଣବ କହିଥିଲେ। ଆଣ୍ଟି କୋଲିଜନ ସିଷ୍ଟମ ଥିଲେ ଦୁର୍ଘଟଣା ଘଟିନଥାନ୍ତା । ଯଦି ଟ୍ରେନରେ ଡିଭାଇସ ଥାଆନ୍ତା ତେବେ ଏହି ଦୁର୍ଘଟଣାକୁ ଏଡ଼ାଇ ଯାଇ ପାରିଥାନ୍ତା ବୋଲି ମମତା କହିଛନ୍ତି।

#WATCH | Earlier today, WB CM Mamata Banerjee and Railways Minister Ashwini Vaishnaw disagreed on death toll. Mamata Banerjee said “I heard it can go upto 500” while Vaishnaw said “238 as per state govt data”

According to Indian Railways, the death toll in #OdishaTrainTragedy is… pic.twitter.com/3DDYQQ63AC

— ANI (@ANI) June 3, 2023

ମମତା ବାନାର୍ଜୀଙ୍କ ଏହି ବୟାନ ପରେ ରେଳ ମନ୍ତ୍ରୀ ଅଶ୍ଵିନୀ ବୈଷ୍ଣବ କହିଛନ୍ତି, ଆମେ ପୂରା ପାରଦର୍ଶିତା ଚାହୁଁଛୁ। ଏହି ସମୟ ରାଜନୀତି କରିବାର ନୁହେଁ। ବରଂ ପୀଡ଼ିତଙ୍କ ଉଦ୍ଧାର ଏବଂ ଚିକିତ୍ସା ସୁବିଧା ଉପରେ ଧ୍ୟାନ କେନ୍ଦ୍ରିତ କରାଯାଉଛି। ଆଉ ଏହି ସବୁ ଦୃଶ୍ୟ କ୍ୟାମେରା ସମ୍ମୁଖରେ ଘଟିଥିଲା।

#WATCH | Railways Minister Ashwini Vaishnaw reacts to an incident earlier today at #BalasoreTrainAccident site where WB CM Mamata Banerjee disagreed with him on the death toll, says, "…we want full transparency, this is not time to do politics, this is time to focus on making… https://t.co/4IJ5fil79N pic.twitter.com/nrXb82DuzV

— ANI (@ANI) June 3, 2023

ବାହାନଗାରେ ଘଟିଥିବା ଛାତିଥରା ରେଳ ଦୁର୍ଘଟଣାରେ ମୃତକ ସଂଖ୍ୟା ୩୦୦ ଟପିଛି। ଏହା ପୂର୍ବରୁ ମୃତ୍ୟୁ ସଂଖ୍ୟା ୨୮୮କୁ ବୃଦ୍ଧି ଘଟିଥିବା ମୁଖ୍ୟ ସଚିବ ପ୍ରଦୀପ ଜେନା କହିଥିଲେ। ତେବେ ସଦ୍ୟତମ ଖବର ଅନୁଯାୟୀ ଏନଡିଆରଏଫ ଦୁର୍ଘଟଣା ବଗିରୁ ଆଉ ୧୩ ମୃତଦେହ ଉଦ୍ଧାର କରିଛନ୍ତି। ଏହାକୁ ମିଶାଇ ମୃତକ ସଂଖ୍ୟା ୩୦୧କୁ ବୃଦ୍ଧି ଘଟିଛି। ଏବେ ମଧ୍ୟ ୮୦୦ରୁ ଅଧିକ ଆହତଙ୍କ ଚିକିତ୍ସା ଜାରି ରହିଛି। ସେଥିରୁ ୭୪୭ ସାମାନ୍ୟ ଆହତ ହୋଇଥିବା ବେଳେ ୫୬ ଜଣ ଗୁରୁତର ଅଛନ୍ତି।