ସୋନପୁର ୦୩।୧୨ : ହୁତୁ ହୁତୁ ଜଳିଗଲା । ଆଖି ପିଛୁଲାକେ ପୋଡିଗଲା ଟ୍ରାକ୍ଟର । ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସାଲେପାଲି ଗାଁରେ ଏକ ଟ୍ରାକ୍ଟରରେ ନିଆଁ ଲାଗି ସଂପୂର୍ଣ୍ଣ ପୋଡି ପାଉଁଶ ହୋଇଯାଇଛି ।
ସୋନପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସାଲେପାଲି ଗାଁ ନିକଟରେ ଏକ ଟ୍ରାକ୍ଟର ଛିଡ଼ା ହୋଇଥିଲା । ଏହି ସମୟରେ ହଠାତ୍ ଟ୍ରାକ୍ଟର ନିଆଁ ଲାଗିଯାଇଥିଲା । ତେବେ ନିଆଁ ଲାଗିବା ମାତ୍ରେ ଘଟଣାସ୍ଥଳରେ ସ୍ଥାନୀୟ ଲୋକେ ନିଆଁକୁ ଲିଭାଇବାକୁ ଉଦ୍ୟମ କରିଥିଲେ , ହେଲେ ନିଆଁର ପ୍ରକୋପ ଅଧିକ ଥିବାରୁ କଷ୍ଟକର ହୋଇଥିଲା । ଏହାପରେ ତୁରନ୍ତ ଡୁଙ୍ଗୁରିପାଲି ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ଅଗ୍ନିଶମ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଲିଭାଇଥିଲେ । ହେଲେ ସେତେବେଳକୁ ଟ୍ରାକ୍ଟରି ଜଳିପୋଡି ପାଉଁଶ ହୋଇଯାଇଛି ।
