Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ବାଇକ୍‌କୁ ମୁହାଁମୁହିଁ ଧକ୍କା ଦେଲା ଟ୍ରାକ୍ଟର, ଭଣଜା ମୃତ, ମାମୁଁ ଗୁରୁତର  

25/05/2022 at 7:26 PM

ପାଟଣା, ୨୫/୦୫:  କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ ରାଣୀ ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ବାଇକକୁ ଟ୍ରାକ୍ଟର ଧକ୍କା ଦେବା ଫଳରେ ବାଇକରେ ଯାଉଥିବା ମାମୁଁ ଓ ଭଣଜାଙ୍କ ମଧ୍ୟରୁ ଭଣଜାର ମୃତ୍ୟୁ ଘଟିଛି । ମୃତ ଭଣଜା ୩ବର୍ଷର ଶିଶୁ ଅଭୟ ଲୋହାର  ହୋଇଥିବା ବେଳେ ଗୁରୁତର ଯୁବକଙ୍କ ନାମ ସୁମନ୍ତ ଲୋହାର ବୋଲି ଜଣାପଡ଼ିଛି । ତାଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।

ସୂଚନା ଅନୁସାରେ ଭଣଜାକୁ ବାଇକରେ ବସାଇ ମାମୁଁ ଦଳେଇପଶିରୁ ସୁହାଗପୁରକୁ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ଏକ ଟ୍ରାକ୍ଟର ମୁହାଁମୁଁହିଁ ଧକ୍କା ଦେଇଥିଲା । ଘଟଣା ସ୍ଥଳରେ ୩ବର୍ଷର ଶିଶୁ ପୁତ୍ର ଅଭୟ ଲୋହାରର ମୃତ୍ୟୁ ଘଟିଥିବା ବେଳେ ଗୁରୁତର ମାମୁଁକୁ ସ୍ଥାନୀୟ ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ମେଡ଼ିକାଲକୁ ପଠାଇଛନ୍ତି । ଦୁର୍ଘଟଣା ଘଟାଇ ଘଟଣା ସ୍ଥଳରୁ ଟ୍ରାକ୍ଟର ଫେରାର ହୋଇଯାଇଥିବା ବେଳେ ମୃତଦେହକୁ ପାଟଣା ପୋଲିସ ଜବତ କରି ଘଟଣାର ତଦନ୍ତ କରୁଛି । ଏନେଇ ପାଟଣା ଥାନାରେ ୯୯/୨୨ ରେ ଏକ ଦୁର୍ଘଟଣା ଜନିତ ମାମଲା ରୁଜୁ କରି ଫେରାର ଥିବା ଟ୍ରାକ୍ଟରକୁ ଧରିବା ପାଇଁ ପୋଲିସ ଛାନ୍ ଭିନ୍ ଜାରି ରଖିଛି ।

   Related Posts