ଆନନ୍ଦପୁର:  ଘଟଗାଁ ମା ତାରିଣୀଙ୍କୁ ଦର୍ଶନ କରି ଫେରୁଥିବା ବେଳେ ଅଘଟଣ । ଚଳନ୍ତା ବସ୍ ରୁ ଖସି ପଡ଼ି ଜଣେ ମୃତ । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ଘଷିପୁରା ଥାନା ୨୦ ନଂ ଜାତୀୟ ରାଜପଥ ବିର୍ସା ମୁଣ୍ଡା ଛକ ନିକଟରେ ।

ଭୁବନେଶ୍ୱର ଫୁଲନଖରା ଅଞ୍ଚଳର କିଛି ପର୍ଯ୍ୟଟକ ମା ତାରିଣୀଙ୍କ ଦର୍ଶନ ସାରି ଫେରୁଥିବା ବେଳେ ୨୦ ନଂ ଜାତୀୟ ରାଜପଥ ବିର୍ସା ମୁଣ୍ଡା ଛକ ନିକଟରେ ଚଳନ୍ତା ବସରୁ ଜଣେ ପର୍ଯ୍ୟଟକ ଖସି ପଡ଼ିଥିଲେ। ଘଟଣାସ୍ଥଳରେ ବ୍ୟକ୍ତି ଜଣକ ମୃତ୍ୟୁ ବରଣ କରିଥିବା ବେଳେ ଅନ୍ୟମାନେ ବସ ଯୋଗେ ତାଙ୍କୁ ଘରକୁ ନେଇଯାଉଥିବା ବେଳେ ଖବର ପାଇ ଘସିପୁରା ପୋଲିସ ହସନପୁର ଟୋଲ ଗେଟ ନିକଟରେ ଗାଡ଼ି କୁ ଅଟକ ରଖିବା ସହିତ ମୃତ ବ୍ୟକ୍ତିଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରି ତଦନ୍ତ ଜାରି ରଖିଛି।