ଦୁବାଇ, ୨୭|୦୯: କ୍ରିକେଟର ଟସ୍ର ଭୂମିକା ଗୁରୁତ୍ୱପୂର୍ଣ୍ଣ ହୋଇଥାଏ । ସଦାବେଳେ ଯେକୌଣସି ଦଳର ଅଧିନାୟକ ଟସ୍ ଜିତିବା ପାଇଁ ଚାହିଁଥାନ୍ତି । ଫଳରେ ପିଚ୍ ଅନୁସାରେ ବ୍ୟାଟିଂ କିମ୍ବା ଫିଲ୍ଡିଂ ବାଛିବାର ବିକଳ୍ପ ମିଳିଥାଏ । କିନ୍ତୁ ଚଳିତ ଥର ଆଇପିଏଲରେ ଟସ୍ ଜିତିବା ଅଭିଶାପ ପାଲଟିଛି । ଅଧିନାୟକମାନେ ଟସ୍ ଜିତିବା ପରେ ପସିଯାଉଥିବା ଭଳି ଲାଗୁଛି । ଏଠାରେ ଟସ୍ ଜିତିବା ଅର୍ଥ ମ୍ୟାଚ୍ ହାରିବା । ଏବେ ଲଗାତର ୭ଟି ମ୍ୟାଚରେ ଟସ୍ ଜିତିଥିବା ଦଳ ମ୍ୟାଚ୍ ହାରିଛି ।
ଆଇପିଏଲରେ ପ୍ରଥମ ମ୍ୟାଚକୁ ଛାଡିଦେଲେ ଅନ୍ୟ ସବୁ ମ୍ୟାଚରେ ଟସ୍ ଜିତିବା ଅଧିନାୟକଙ୍କ ପାଇଁ ଅଡୁଆ ସୃଷ୍ଟି କରିଛି । ଏବେ ସୁଦ୍ଧା ଖେଳାଯାଇଥିବା ୮ଟି ମ୍ୟାଚରୁ ୭ଟି ମ୍ୟାଚରେ ସେହି ସବୁ ଦଳକୁ ବିଜୟ ମିଳିଛି ଯେଉଁମାନେ ଟସ୍ ହାରିଛନ୍ତି । ଅର୍ଥାତ ଆଇପିଏଲରେ ଟସ୍ ହାରିବା ଶୁଭ ସଙ୍କେତ । ବିରାଟ କୋହଲିଙ୍କଠୁ ଆରମ୍ଭ କରି ମହେନ୍ଦ୍ର ସିଂ ଧୋନୀ, କେଏଲ ରାହୁଲ, ଡେଭିଡ୍ ଓ୍ୱାର୍ଣ୍ଣର ପର୍ଯ୍ୟନ୍ତ ସବୁ ଅଧିନାୟକ ଟସ୍ ଜିତି ମ୍ୟାଚ୍ ହାରିଛନ୍ତି । କେବଲ ଧୋନୀ ଥରଟିଏ ଭାଗ୍ୟବାନ ରହିଥିଲେ । ସେ ପ୍ରଥମ ମ୍ୟାଚରେ ଟସ୍ ଜିତିବା ସହ ମ୍ୟାଚ୍ ମଧ୍ୟ ଜିତିଥିଲେ । ଶନିବାର ଡେଭିଡ୍ ଓ୍ୱାର୍ଣ୍ଣର୍ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ କିନ୍ତୁ ମ୍ୟାଚ୍ ହାରିଥିଲେ ।
ସେହିପରି ଚଳିତ ଆଇପିଏଲରେ ଏବେସୁଦ୍ଧା ୮ଟି ମ୍ୟାଚ୍ ଖେଳାଯାଇଛି । ଯେଉଁଥିରେ ୬ ଥର ପ୍ରଥମେ ବ୍ୟାଟିଂ କରିଥିବା ଟିମ୍ ବିଜୟ ହାସଲ କରିଛି ।
