scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଟଙ୍କା ନେଇ ପ୍ରଶ୍ନ କରିବା ମାମଲା, ଟିଏମସି ସାଂସଦ ମହୁଆ ମୋଇତ୍ରଙ୍କ ସଂସଦ ସଦସତ୍ୟ ରଦ୍ଦ

8/12/2023 at 3:29 PM

ନୂଆଦିଲ୍ଲୀ: ଟଙ୍କା ନେଇ ପ୍ରଶ୍ନ କରିବା ମାମଲାରେ ଟିଏମସି ସାଂସଦ ମହୁଆ ମୋଇତ୍ରଙ୍କ ଲୋକସଭା ସଦସ୍ୟତା ରଦ୍ଦ ହୋଇଛି । ସଦାଚାର କମିଟିର ପ୍ରସ୍ତାବ ଲୋକସଭାରେ ବହୁମତରେ ପାରିତ ହୋଇଛି । ଏହାପରେ ବାଚସ୍ପତି ଓମ୍ ବିର୍ଲା ତାଙ୍କ ସଦସ୍ୟତାକୁ ରଦ୍ଦ କରିଛନ୍ତି । ଏହାପରେ ଗୃହ କାର୍ଯ୍ୟକୁ ଆସନ୍ତା ୧୧ ତାରିଖ ଯାଏ ବାଚସ୍ପତି ଓମ୍ ବିର୍ଲା ମୁଲତବୀ ରଖିଛନ୍ତି ।

ଆଜି ମଧ୍ୟାହ୍ଣ ୧୨ରେ ମହୁଆ ମୋଇତ୍ରଙ୍କ ବିରୋଧରେ ଏଥିକ୍ସ କମିଟି ରିପୋର୍ଟ ଉପସ୍ଥାପନ କରାଯାଇଥିଲା । ଯେଉଁଥିରେ ତାଙ୍କ ସଂସଦ ସଦସ୍ୟତା ରଦ୍ଦ କରିବା ପାଇଁ ପ୍ରସ୍ତାବ ରଖାଯାଇଥିଲା । ଏହାପରେ ଲୋକସଭାରେ ପ୍ରବଳ ହଟ୍ଟଗୋଳ ହୋଇଥିଲା । ପରେ ଦୁଇଟା ବେଳେ ଗୃହ କାର୍ଯ୍ୟ ଆରମ୍ଭ ହୋଇଥିଲା ଓ ପ୍ରାୟ ଏକ ଘଣ୍ଟା ବିତର୍କ ଚାଲିବା ପରେ ରିପୋର୍ଟ ଉପରେ ଭୋଟିଂ ହୋଇଥିଲା । ଭୋଟିଂ ପରେ ମହୁଆ ମୋଇତ୍ରଙ୍କୁ ଲୋକସଭାରୁ ବହିଷ୍କାର କରାଯାଇଛି । ଗୃହର ନିଷ୍ପତ୍ତି ପରେ ମହୁଆ ମୋଇତ୍ର କଡ଼ା ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ ମୋ ବିରୋଧରେ କୌଣସି ପ୍ରମାଣ ନାହିଁ । ମୁଁ ଆଦାନୀଙ୍କ ପ୍ରସଙ୍ଗ ଉଠାଇଥିଲି ଓ ମୋତେ ଏହାର ଦଣ୍ଡ ମିଳିଛି ।

ମହୁଆ କହିଛନ୍ତି ଯୋ ମୋ ବିରୋଧରେ ସଠିକ ତଦନ୍ତ କରାଯାଇ ନାହିଁ । ଅଭିଯୋଗ ଆଣିଥିବା ବ୍ୟକ୍ତିଙ୍କୁ ମଧ୍ୟ ପଚରାଉଚରା କରିବା ପାଇଁ ଡକା ଯାଇ ନାହିଁ । କମିଟି ଏହି ମାମଲାରେ ମୂଳ ଯାଏ ତଦନ୍ତ କରିଥିଲେ ଏହି ନିଷ୍ପତ୍ତି ହୋଇନଥନ୍ତା । ସେ କହିଛନ୍ତି ଯେ ଜରୁରୀ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ ଏପରି କରାଯାଇଛି । ଏହାସହ ସେ କହିଛନ୍ତି ଯେ ସତ୍ୟପାଠରେ ଯାହା ଉଲ୍ଲେଖ କରାଯାଇ ନାହିଁ, ତାହା ଏହି ରିପୋର୍ଟରେ କୁହାଯାଇଛି । କ୍ୟାସ୍ ଓ ଗିଫ୍ଟ ନେଇ ପ୍ରଶ୍ନ କରିବାର କୌଣସି ପ୍ରମାଣ ନାହିଁ । ଏହି ମାମଲାରେ ଶୁଣାଣି ସମୟରେ ଏଥିକ୍ସ କମିଟି ସମ୍ପୃକ୍ତ ବ୍ୟବସାୟୀଙ୍କୁ କାହିଁକି ଡାକିଲେ ନାହିଁ ।

ପଢନ୍ତୁ: ବଢ଼ିଲା ମହୁଆ ମୋଇତ୍ରଙ୍କ ଅଡ଼ୁଆ: ଟଙ୍କା ନେଇ ପ୍ରଶ୍ନ ଅଭିଯୋଗରେ ସିବିଆଇ ତଦନ୍ତ ଆରମ୍ଭ

ଟିଏମସି ସାଂସଦଙ୍କ ବିରୋଧରେ ମତ ଆସିବା ପୂର୍ବରୁ ଗୃହରେ ଜୋରଦାର ହଙ୍ଗାମା ହୋଇଥିଲା । କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀ କହିଥିଲେ ଯେ ଏହି ମାମଲାରେ ମହୁଆ ମୋଇତ୍ରଙ୍କ ପକ୍ଷ ଶୁଣା ଯାଇନାହିଁ । ଏପରି କରିବା ଭୁଲ । ଅନ୍ୟପଟେ ମନୀଷ ତିୱାରୀ ଏହାକୁ ନ୍ୟାୟ ସିଦ୍ଧାନ୍ତ ବିରୋଧରେ ବୋଲି କହିଥିଲେ । ଟିଏମସି ସାଂସଦ କଲ୍ୟାଣ ବାନାର୍ଜୀ କହିଥିଲେ ଯେ ମହୁଆଙ୍କୁ ନିଜ ପକ୍ଷରେ ବୟାନ ରଖିବା ପାଇଁ ୧୦ ମିନିଟ ସମୟ ଦିଆଯିବା ଦରକାର ।

ଏହା ଉପରେ ବାଚସ୍ପତି ଓମ୍ ବିର୍ଲା କହିଥିଲେ ଯେ ଏହା ପୁରୁଣା ପରମ୍ପରା ଅଟେ । ମୁଁ ଏହାର ଅନୁପାଳନ କରୁଛି । ଉଲ୍ଲେଖଯୋଗ୍ୟ ଯେ ୨୦୦୫ରେ ସୋମନାଥ ଚାଟାର୍ଜୀଙ୍କ ସମୟରେ ୧୦ ସାଂସଦଙ୍କୁ କ୍ୟାସ୍ ଫର୍ କ୍ୱେରୀ ମାମଲାରେ ସଂସଦରୁ ବହିଷ୍କାର କରାଯାଇଥିଲା । ସେତେବେଳେ ବି ସାଂସଦଙ୍କୁ କହିବାର ସୁଯୋଗ ଦିଆଯାଇ ନଥିଲା ।

କ’ଣ ଥିଲା ପୂରା ମାମଲା

ସୂଚନା ଥାଉକି ଗୌତମ ଆଦାନୀ ବିରୋଧରେ ପ୍ରଶ୍ନ କରିବା ମହୁଆ ମୋଇତ୍ର ବ୍ୟବସାୟୀ ଦର୍ଶନ ହୀରାନନ୍ଦାନୀଙ୍କ ଠାରୁ ଟଙ୍କା ନେବା ସହ ଦାମୀ ଉପହାର ମଧ୍ୟ ନେଇଥବା ବିଜେପି ସାଂସଦ ନିଶିକାନ୍ତ ଅଭିଯୋଗ କରିଥିଲେ । ଏନେଇ ସେ ପ୍ରଥମେ ଲୋକସଭା ସ୍ପିକର ଓ ଲୋକସଭା ଏଥିକ୍ସ କମିଟି ଦ୍ୱାରସ୍ଥ ହୋଇଥିଲେ । ଲୋକସଭା ଏଥିକ୍ସ କମିଟି ଏନେଇ ତଦନ୍ତ କରିବା ପରେ ମହୁଆଙ୍କ ସଦସ୍ୟ ରଦ୍ଦ କରିବାକୁ ପ୍ରସ୍ତାବ ଦେଇଥିଲେ ।

ଏସବୁ ମାମଲାର ଖୁଲାସା କରିଥିଲେ ମହୁଆଙ୍କ ବନ୍ଧୁ ତଥା ସୁପ୍ରିମକୋର୍ଟ ଓକିଲ ଜୟ ଅନନ୍ତ ଦେହଦ୍ରାଇ । ମହୁଆଙ୍କ ସହ ତାଙ୍କର ସମ୍ପର୍କ ତିକ୍ତ ହେବା ପରେ ସେ ତାଙ୍କର ସମସ୍ତ ଗୁମର ବିଜେପି ସାଂସଦଙ୍କ ସମ୍ମୁଖରେ ଖୋଲି ଦେଇଥିଲେ । ଏହାପରେ ନିଶିକାନ୍ତ ଏହାକୁ ନେଇ ଅଭିଯୋଗ କରିଥିଲେ । ମହୁଆ ମୋଇତ୍ର ତାଙ୍କ ସାଂସଦ ଆଇଡିକୁ ମଧ୍ୟ ହୀରାନନ୍ଦାନୀଙ୍କୁ ଦେଇଥିଲେ । ଯାହା ଭାରତ ସମେତ ଆମେରିକା ଓ ଦୁବାଇରେ ବି ଖୋଲାଯାଇଥିଲା ବୋଲି ତଦନ୍ତରୁ ଜଣାପଡ଼ିଛି।

   Related Posts