କୋଲକାତା ୧୩ /୫: ସୋମବାର ଦେଶରେ ଲୋକସଭା ନିର୍ବାଚନ ଚତୁର୍ଥ ପର୍ଯ୍ୟାୟ ମତଦାନ ଚାଲିଛି । ତେବେ ନିର୍ବାଚନ ଭିତରେ ବିଭିନ୍ନ ସ୍ଥାନରୁ ହିଂସା ଘଟଣା ସାମ୍ନାକୁ ଆସୁଛି । ଭୋଟିଂର ଗୋଟିଏ ଦିନ ପୂର୍ବରୁ ପଶ୍ଚିମବଙ୍ଗରେ ତୃଣମୂଳ କଂଗ୍ରେସ କର୍ମୀଙ୍କ ଉପରକୁ ବୋମାମାଡ ହୋଇଛି । ଗୁରୁତର ଅବସ୍ଥାରେ ତାଙ୍କୁ ହସପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ମୃତକ ପୂର୍ବ ବର୍ଦ୍ଧମାନର କେତୁଗ୍ରାମ ଅଞ୍ଚଳର ମିଣ୍ଟୁ ଶେଖ ।
ରବିବାର ବିଳମ୍ବିତ ରାତିରେ ମିଣ୍ଟୁ ଶେଖ ଘରକୁ ଫେରୁଥିବାବେଳେ କିଛି ଦୁର୍ବୃତ୍ତ ବୋମା ମାଡ କରିଥିଲେ । ଦଳୀୟ କର୍ମୀଙ୍କ ମୃତ୍ୟୁ ପାଇଁ ସିପିଏମକୁ ଦାୟୀ କରିଛି ଟିଏମ୍ସି । ମାମଲକୁ ଗୁରୁତର ସହ ଗ୍ରହଣ କରି ନିର୍ବାଚନ ଆୟୋଗ ଆକ୍ସନ ନିଅନ୍ତୁ ବୋଲି ଦାବି କରିଛି ଟିଏମ୍ସି ।
