oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମମତାଙ୍କ ‘ମହାମେଣ୍ଟ’ ପ୍ରସ୍ତାବକୁ ଖାରଜ କଲା କଂଗ୍ରେସ: ବାମପନ୍ଥୀ ରୋକ୍ ଠୋକ୍ କହିଲେ ନା

14/01/2021 at 12:09 PM

କୋଲକାତା ୧୪/୦୧ : ପଶ୍ଚିମବଙ୍ଗରେ କିଛି ମାସରେ ବିଧାନସଭା ନିର୍ବାଚନ ହେବ। ଭାରତୀୟ ଜନତା ପାର୍ଟି ଆକ୍ରମକ ଢଙ୍ଗରେ ନିର୍ବାଚନ ଲଢ଼ିବାକୁ ପ୍ରସ୍ତୁତ ହେଉଥିବା ନଜର ଆସିଛି। କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ଦଳ ଅଧ୍ୟକ୍ଷ ଜେପି ନଡ୍ଡା ଲଗାତାର ପଶ୍ଚିମବଙ୍ଗ ଗସ୍ତ କରୁଛନ୍ତି ଏବଂ ରାଜ୍ୟରେ ବିଜେପିର ବିଜୟ ପାଇଁ ରଣନୀତି ପ୍ରସ୍ତୁତ କରୁଛନ୍ତି। ବିଜେପିର ଏହି ମିଶନକୁ ଫେଲ୍ କରିବାକୁ ତୃଣମୂଳ କଂଗ୍ରେସ ତମାମ ବିରୋଧୀ ଦଳଙ୍କୁ ଟିଏମସିକୁ ସାଥ ଦେବାକୁ ଅପିଲ କରିଛନ୍ତି। ଦଳ ବିହାର ଭଳି ମହାମେଣ୍ଟ ଗଠନ କରିବାକୁ ଅପିଲ କରିଛି। ଏନେଇ କଂଗ୍ରେସ ଟିଏମସିକୁ ପରାମର୍ଶ ଦେଇଛି। 

ବୁଧବାର ଦିନ ତୃଣମୂଳ କଂଗ୍ରେସ ବାମ ମୋର୍ଚ୍ଚା ଓ କଂଗ୍ରେସକୁ ବିଜେପି ‘ସାମ୍ପ୍ରଦାୟିକ ଏବଂ ବିଭାଜନକାରୀ ରଣନୀତି’ ବିରୋଧରେ ଲଢ଼ିବାକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାଥ ଦେବାକୁ ଅପିଲ କରିଛି। ତେବେ ଉଭୟ ଦଳ ଏହି ପରାମର୍ଶକୁ ଖାରଜ କରିଦେଇଛନ୍ତି। ବିଜେପି କହିଛି ଯେ ଏଥିରୁ ଜଣାପଡୁଛି ଯେ ଏପ୍ରିଲ-ମେ ମାସରେ ହେବାକୁ ଥିବା ପଶ୍ଚିମବଙ୍ଗ ବିଧାନସଭା ନିର୍ବାଚନରେ ​​ତୃଣମୂଳ କଂଗ୍ରେସ ନିଜ ଦମରେ ଲଢ଼ିବାକୁ ସମର୍ଥ ନୁହେଁ। ତୃଣମୂଳ କଂଗ୍ରେସର ବରିଷ୍ଠ ସାଂସଦ ସୌଗତ ରାୟ ଗଣମାଧ୍ୟମକୁ କହିଛନ୍ତି ଯେ, ଯଦି ବାମ ମୋର୍ଚ୍ଚା ଓ କଂଗ୍ରେସ ବାସ୍ତବରେ ବିଜେପି ବିରୋଧରେ ତାହେଲେ ବିଜେପିର ସାମ୍ପ୍ରଦାୟିକ ଏବଂ ବିଭାଜନକାରୀ ରାଜନୀତି ବିରୋଧରେ ଲଢ଼ିବାକୁ ମମତା ବାନାର୍ଜୀଙ୍କୁ ସାଥ ଦେବା ଉଚିତ। ସେ କହିଛନ୍ତି, ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ବିଜେପି ବିରୋଧରେ ଧର୍ମ ନିରପେକ୍ଷ ରାଜନୀତିର ଅସଲ ଚେହେରା।  ତୃଣମୂଳ କଂଗ୍ରେସର ପ୍ରସ୍ତାବରେ ରାଜ୍ୟ କଂଗ୍ରେସ ପ୍ରମୁଖ ଅଧୀର ରଞ୍ଜନ ଚୌଧୁରୀ ରାଜ୍ୟରେ ବିଜେପିର ମଜବୂତୀ ନେଇ ଟିଏମସିକୁ ଦାୟୀ କରିଛନ୍ତି।

ସେ କହିଛନ୍ତି, “ତୃଣମୂଳ କଂଗ୍ରେସ ସହ ମେଣ୍ଟ କରିବାକୁ ଆମର ଇଚ୍ଛା ନାହିଁ। ଗତ ୧୦ ବର୍ଷ ହେଲା ଆମ ବିଧାୟକଙ୍କୁ କିଣିବା ପରେ ତୃଣମୂଳ କଂଗ୍ରେସ ଏବେ ମେଣ୍ଟ ଗଠନ କରିବାକୁ କାହିଁକି ଚାହୁଁଚି। ଯଦି ମମତା ବାନାର୍ଜୀ ବିଜେପି ବିରୋଧରେ ଲଢ଼ିବାକୁ ଚାହୁଁଛନ୍ତି ତାହେଲେ ତାଙ୍କୁ କଂଗ୍ରେସରେ ସାମିଲ ହୋଇଯିବ ଉଚିତ। କାରଣ ସାମ୍ପ୍ରଦାୟିକତା ବିରୋଧରେ ଲଢେଇ ପାଇଁ ଏହା ହେଉଛି ଏକମାତ୍ର ଦେଶବ୍ୟାପୀ ପ୍ଲାଟଫର୍ମ।”

ମମତା ବାନାର୍ଜୀ ୧୯୯୮ ମସିହାରେ କଂଗ୍ରେସରୁ ଅଲଗା ହୋଇ ନିଜର ଅଲଗା ଦଳ ତୃଣମୂଳ କଂଗ୍ରେସ ଗଠନ କରିଥିଲେ।

   Related Posts