ନୂଆଦିଲ୍ଲୀ ୧୮/୧୦: ଗାୟକ ତଥା ରାଜନେତା ବାବୁଲ ସୁପ୍ରିଓ ଗତ ମାସରେ ତ୍ରିଣମୂଳ କଂଗ୍ରେସ (ଟିଏମସି) ରେ ଯୋଗ ଦେଇଛନ୍ତି । ଏବେ ଜଣାପଡିଛି ଯେ, ଗତକାଲି ସେ ଲୋକସଭା ବାଚସ୍ପତି ଓମ ବିର୍ଲାଙ୍କୁ ଭେଟି ସାଂସଦ ପଦରୁ ଇସ୍ତଫା ଦେବେ । ପୂର୍ବତନ କେନ୍ଦ୍ର ମନ୍ତ୍ରୀ ବାବୁଲ ସୁପ୍ରିଓ ମଙ୍ଗଳବାର ଆସାନସୋଲ ସାଂସଦ ପଦରୁ ଇସ୍ତଫା ଦେବାର ସମ୍ଭାବନା ରହିଛି ।

ସାଂସଦ ପଦରୁ ଇସ୍ତଫା ଦେବାର ଆନୁଷ୍ଠାନିକତା ପୂରଣ କରିବାକୁ ସୁପ୍ରିଓ ଲୋକସଭା ବାଚସ୍ପତି ଓମ ବିର୍ଲାଙ୍କୁ ଲେଖିଥିଲେ । ଏହା ଉପରେ ତାଙ୍କୁ ମଙ୍ଗଳବାର ସକାଳ ୧୧ ଟା ସମୟ ଦିଆଯାଇଛି । ଟିଏମସି ସୂଚନାନୁସାରେ, ସୁପ୍ରିଓ ମଙ୍ଗଳବାର ସକାଳେ ଦିଲ୍ଲୀ ଯିବେ ଏବଂ ତାଙ୍କ ଇସ୍ତଫା ପତ୍ର ପ୍ରଦାନ କରିବେ । ଏହାପୂର୍ବରୁ, ତ୍ରିଣମୁଳ କଂଗ୍ରେସରେ ଯୋଗଦେବା ପରେ ସୁପ୍ରିଓ ସ୍ପଷ୍ଟ କରିଛନ୍ତି ଯେ ସେ ସାଂସଦ ଭାବରେ କାର୍ଯ୍ୟ କରିବେ ନାହିଁ କାରଣ ଏହା ଅନୈତିକ ଅଟେ ।

wp:html

Babul Supriyo to meet Lok Sabha Speaker Om Birla tomorrow to formally resign as BJP MP pic.twitter.com/BNLE2W6Dx7

— ANI (@ANI) October 18, 2021

/wp:html

ସେ ବିଜେପି ଟିକେଟରେ ଆସାନସୋଲର ସାଂସଦ ଭାବରେ ନିର୍ବାଚିତ ହୋଇଥିଲେ ଏବଂ ସେ ଆଉ ବିଜେପିରେ ନାହାଁନ୍ତି । ସେପ୍ଟେମ୍ବର ୧୮ ରେ ତ୍ରିଣମୂଳ କଂଗ୍ରେସରେ ଯୋଗ ଦେଇଥିଲେ । ସୁପ୍ରିଓ ରାଷ୍ଟ୍ରପତିଙ୍କୁ ଭେଟିବା ପରେ ଇସ୍ତଫା ଦେବେ ବୋଲି ପୂର୍ବରୁ ଘୋଷଣା କରିଥିଲେ । ତେବେ ଏପରି କିଛି ଘଟଣା ଅଛି ଯେଉଁଠାରେ ସାଂସଦ ଏବଂ ବିଧାୟକମାନେ ଦଳ ଛାଡିବା ପରେ ମଧ୍ୟ ନିଜ ପଦ ଛାଡନ୍ତି ନାହିଁ ।

୨୦୧୪ ଏବଂ ୨୦୧୯ ରେ ଦୁଇଥର ଆସାନସୋଲ ସଂସଦ ନିର୍ବାଚନମଣ୍ଡଳୀରୁ ବାବୁଲ ଜିତିଥିଲେ । ସେ ମଧ୍ୟ ନରେନ୍ଦ୍ର ମୋଦି ମନ୍ତ୍ରଣାଳୟରେ କେନ୍ଦ୍ର ରାଜ୍ୟ ମନ୍ତ୍ରୀ ହୋଇଥିଲେ । କିନ୍ତୁ କ୍ୟାବିନେଟ ପୁନଃ ସମ୍ପ୍ରସାରଣରେ ତାଙ୍କୁ ବାଦ୍ ଦିଆଯାଇଥିଲା । ଏହା ପରେ ସେ ରାତାରାତି ରାଜନୀତି ଛାଡିବାକୁ ଘୋଷଣା କରିଥିଲେ । ପରେ ସେ କିଛି ଦିନ ମଧ୍ୟରେ ସେ ଟିଏମସିରେ ଯୋଗ ଦେଇଥିଲେ।