ଅନୁଗୋଳ ୨୪|୧୦: ନୟାନ୍ତ କଲାଣି ବାଘୁଣୀ ସୁନ୍ଦରୀ । ସୁନ୍ଦରୀକୁ କାବୁ କରିବାରେ ବନ ବିଭାଗ ଏଯାଏ ସଫଳ ହୋଇନାହିଁ । ରାତି ପାହିଗଲା ହେଲେ ଫେଲ ମାରିଲା ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବା ଉଦ୍ୟମ । ବନ କର୍ମଚାରୀ ନରହନ୍ତା ବାଘୁଣୀକୁ ଟ୍ରାଙ୍କୁଲାଇଜ କରିପାରିଲେ ନାହିଁ । ଓୟୁଏଟିର ଗୋଟିଏ ଓ ନନ୍ଦନକାନନର ୩ ଟି ଟିମ୍ କୁମୁରି ଗାଁରେ ଡେରା ପକାଇ ବାଘର ଗତିବିଧି ଉପରେ ନଜର ରଖିଛନ୍ତି । ସୁନ୍ଦରୀକୁ କାବୁ କରିବା ପାଇଁ ଛେଳି ବନ୍ଧା ହୋଇଥିବା ବେଳେ ମଞ୍ଚା ଉପରେ ଛକି ବସିଥିଲେ । ଏପରିକି ଯନ୍ତା ମଧ୍ୟ ପ୍ରସ୍ତୁତ ରଖାଯାଇଛି । ହେଲେ ଧରା ଦେଲାନି ସୁନ୍ଦରୀ । ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବା ପାଇଁ କୁମୁରି ଠାରେ ଆଜି ବି ବିଶେଷଜ୍ଞ ଟିମ୍  ଉଦ୍ୟମ ଜାରି ରଖିଛନ୍ତି ।

ପ୍ରଥମେ ଜଣେ ମହିଳା ଏବଂ ପରେ ସ୍ଥାନୀୟ ଟାଇଁସା ଗାଁରେ ଜଣେ ଚାଷୀଙ୍କୁ ମାରିବା ପରେ ସାମ୍ବାଦିକଙ୍କ ଉପରେ ଆକ୍ରମଣ କରିଥିଲା ସୁନ୍ଦରୀ । ଏହା ସହ ସୋମବାର ଏକ ବଳଦକୁ ମାରି ପକାଇଥିଲା  । ଏ ଘଟଣାକୁ ନେଇ ଗାଁରେ ପ୍ରବଳ ଉତେଜନା ଦେଖାଦେଇଥିଲା । ବାରମ୍ବାର ଲୋକ ଓ ଜୀବଜନ୍ତୁଙ୍କ ଉପରେ ଆକ୍ରମଣ କରୁଥିବାରୁ ମଣିଷଖିଆ ସୁନ୍ଦରୀକୁ ଅନ୍ୟତ୍ର ସ୍ଥାନାନ୍ତର କରିବାକୁ ଗ୍ରାମବାସୀମାନେ ଦାବି କରିଥିଲେ ।  ବାଘୁଣୀକୁ ଟ୍ରାଙ୍କୁଲାଇଜ କରାଯାଇ ରାଇଗଡ଼ ଏନକ୍ଲୋଜରକୁ ଆଣାଯିବା ନେଇ ନିଷ୍ପତ୍ତି ହୋଇଛି । ତେଣୁ ସାତକୋଶିଆ କୋଠଭୂଇଁ ପଞ୍ଚାୟତ କୁମୁରି ଗାଁ ନିକଟରେ ଚାଲିଛି ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବା ଅପରେସନ ।