scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ

15/08/2022 at 8:01 AM

ନୂଆଦିଲ୍ଲୀ, ୧୫|୦୮: ନ୍ୟୁଜିଲାଣ୍ଡର ପୂର୍ବତନ ଅଧିନାୟକ ରସ୍ ଟେଲର ଅନ୍ତରାଷ୍ଟ୍ରୀୟ କ୍ରିକେଟରୁ ଅବସର ନେଇଛନ୍ତି । ନିକଟରେ ସେ ତାଙ୍କର ଅଟୋ ବାୟୋଗ୍ରାଫି ବା ଆତ୍ମଜୀବନୀ ବ୍ଲାକ୍ ଆଣ୍ଡ୍ ହ୍ୱାଇଟ୍ ଲେକିଥିଲେ । ଏହି ପୁସ୍ତକରେ ସେ ଭାରତର ବର୍ତ୍ତମାନର କୋଚ୍ ରାହୁଲ ଦ୍ରାବିଡଙ୍କ ସହ ଜଡିତ ଅନେକ କିଛି ଘଟଣା ବର୍ଣ୍ଣନା କରିଛନ୍ତି । ସାଧାରଣ ଲୋକେ ବାଘ ଦେଖିବା ଅପେକ୍ଷା ଦ୍ରାବିଡଙ୍କୁ ଦେଖିବା ବେଶି ପସନ୍ଦ କରନ୍ତି ବୋଲି ସେ ଉଲ୍ଲେଖ କରିଛନ୍ତି ।

ଟେଲର ଲେଖିଛନ୍ତି ଯେ, ସେ ଏକଦା ଦ୍ରାବିଡଙ୍କୁ କେତେ ଥର ବାଘ ଦେଖିଛ ବୋଲି ପ୍ରଶ୍ନ କରିଥିଲେ । ଏହାର ଉତ୍ତରରେ ଦ୍ରାବିଡ କହିଥିଲେ ଯେ, ସେ କେବେ ବାଘ ଦେଖିନାହାଁନ୍ତି । ସେ ୨୧ ଥର ଜଙ୍ଗଲ ସଫାରୀରେ ଯାଇଛନ୍ତି । ହେଲେ ଥରେ ବି ବାଘ ଦେଖିନାହାଁନ୍ତି । ଏହାପରେ ଟେଲର ଟିଭିରେ ଡିସ୍କଭରିରେ ବାଘ ଦେଖିବା ଦରକାର ବୋଲି କହିଥିଲେ ।

ସେ ଆହୁରି କହିଥିଲେ ଯେ, ଏହି ଘଟଣା ପରେ ଏକଦା ଜାକବ୍ ଓରମ୍ ସକାଳେ ବାହାରକୁ ଯାଇଥିଲେ । ସେ ବାଘ ସଫାରୀ ନଯାଇ ଟିଭିରେ ବେସବଲ୍ ମ୍ୟାଚ୍ ଦେଖିବାକୁ ଚାହିଁଥିଲେ । କିନ୍ତୁ ସେ ଓ ଦ୍ରାବିଡ୍ ସଫାରୀ ଯାଇଥିଲେ । ସେଠାରେ ଏକ ବାଘ ବୁଲୁଥିବା ଖବର ପାଇଁ ଦ୍ରାବିଡ ଖୁସି ହୋଇଯାଇଥିଲେ । ବାଘଟି ୧୦୦ ମିଟର ଦୂରତାରେ ଥିଲା । ଦ୍ରାବିଡ ବାଘ ଦେଖି ଖୁସି ହୋଇଯାଇଥିଲେ । କିନ୍ତୁ ପାଖ ଆଖରେ ଥିବା ଲୋକେ ବାଘ ଦେଖିବା ବଦଳରେ ଦ୍ରାବିଡଙ୍କୁ ଦେଖିଥିଲେ । କ୍ୟାମେରା ଦ୍ରାବିଡଙ୍କ ଉପରେ ଥିଲା । ସେମାନେ ବାଘ ଦେଖି ଯେତେ ଉତ୍ସାହିତ ଥିଲେ ପାଖଆଖର ଲୋକେ ଦ୍ରାବିଡଙ୍କୁ ଦେଖି ସେତେ ଉତ୍ସାହିତ ରହିଥିଲେ । ବିଶ୍ୱରେ ପ୍ରାୟ ୪ ହଜାରରୁ ଅଧିକ ବାଘ ଅଛନ୍ତି । କିନ୍ତୁ ରାହୁଲ ଦ୍ରାବିଡ ସ୍ୱତନ୍ତ୍ର ।

ସୂଚନାଯୋଗ୍ୟ, ଟେଲର ଗୁରୁବାର ନିଜର ଆତ୍ମଜୀବନୀର ଉନ୍ମୋଚନ କରିଥିଲେ । ଏଥିରେ ସେ ଅନେକ ଚକିତ କଲା ଭଳି କଥା କହିଥିଲେ । ସେ କିପରି କଳାଗୋରା ଭେଦଭାବର ସାମ୍ନା କରିଥିଲେ । ରାଜସ୍ଥାନ ରୟାଲ୍ସର ଜଣେ ମାଲିକ ତାଙ୍କୁ ଚାପୁଡା ମାରିଥିବା କଥା ବି ସେ ଏଥିରେ ଲେଖିଥିଲେ ।

   Related Posts