ଆଠଗଡ଼ ୨୭।୧୧ : କଟକ ଜିଲ୍ଲା ତିଗିରିଆ ରେଞ୍ଜ ସୋରିଷପାଳ ପାହାଡ଼ରେ କଲରାପତରିଆ ବାଘ ଆତଙ୍କ। ୨ମାସର ବାଛୁରୀକୁ ମାରି ଦେଇଥିବା ସନ୍ଦେହ କରାଯାଉଛି। ଶନିବାର ମିଳିଛି ବାଛୁରୀର ଖଣ୍ଡବିଖଣ୍ଡିତ ମୃତଦେହ । ଘଟଣାସ୍ଥଳରେ ତିଗିରିଆ ବନ ବିଭାଗ କର୍ମଚାରୀ ପହଞ୍ଚି ଶବ ବ୍ୟବଚ୍ଛେଦ କରିଛନ୍ତି।
{"id":714147,"sizeSlug":"full","linkDestination":"none"}![](https://www.prameyanews7.com/wp-content/uploads/2022/11/atahagarh-forest-range-1.png)
ଖବର ଅନୁଯାୟୀ, ଶୁକ୍ରବାର ଠାରୁ ବାଛୁରୀ ମାଲିକ ଖୋଜି ନିରାଶ ହେବା ପରେ ଶନିବାର ପୁଣି ଗାଁ ନିକଟସ୍ଥ ସୋରିଷ ପାଳ ପାହାଡ଼ର ଘଞ୍ଚ ଜଙ୍ଗଲ ମଧ୍ୟରେ ଖୋଜାଖୋଜି କରିଥିଲେ । ସେଠାରେ ବାଛୁରୀର ମୃତ ଦେହ ଦେଖିବାକୁ ପାଇଥିଲେ। ବାଛୁରୀ ବେକରେ ଦାନ୍ତର ଆଘାତ ଦେଖିବା ସହ କେବଳ ମୁଣ୍ଡ ଓ ଚମଡା ଛାଡ଼ି ଅନ୍ୟ ସବୁ ଅଙ୍ଗକୁ ଖାଇଯାଇଥିଲା କୌଣସି ଜନ୍ତୁ। ଖବର ପାଇ ତିଗିରିଆ ବନ ବିଭାଗ କର୍ମଚାରୀ ପହଞ୍ଚି କୌଣସି କଲରାପତରିଆ ବାଘ ବାଛୁରୀକୁ ଶିକାର କରିଥିବା ସନ୍ଦେହ କରିଛନ୍ତି । ଗତବର୍ଷ ଏହି ଅଞ୍ଚଳରେ ଏକ କଲରା ପତରିଆ ବାଘ ଫାଶରେ ପଡି ମରିଥିଲା ।