ବାଲେଶ୍ବର ୧୬|୬: ବାଲେଶ୍ବର ଷ୍ଟେସନ ଟିକେଟ କାଉଣ୍ଟର ନିକଟରୁ ଆଜି ଦିନ ୧୨ଟାରେ ଖଡ଼ଗପୁର ସିଆଇବି ଓ ଅରପିଏଫ ମିଳିତ ଚଢ଼।ଉ କରି ବେନିୟମ ଭାବରେ ଟିକେଟ୍ କାଟିଥିବା ଜଣେ ବ୍ୟକ୍ତିଙ୍କୁ ଗିରଫ କରିବା ସହ ତା ନିକଟରୁ ୩୩ଟି ଟିକେଟ୍, ୧୯ଟି କ୍ୟାନସେଲ ଟିକେଟ ଓ ୬୮୦୦ଟଙ୍କା ଜବତ କରିଛି। ଏହି ୩୩ଟି ଟିକେଟର ମୂଲ୍ୟ ୨ଲକ୍ଷ ୩୦ହଜାର ୪୪୦ଟଙ୍କା ହୋଇଥିବା ବେଳେ କ୍ୟାନସେଲ ଟିକେଟର ମୂଲ୍ୟ ୧ ଲକ୍ଷ ୫୫ହଜାର ୧୩୧ଟଙ୍କା ବୋଲି ଜଣାପଡ଼ଛି।
{"id":123532}ଗିରଫ ବ୍ୟକ୍ତି ହେଲେ ନିତାଇ ଦାସ। ତାଙ୍କ ଘର ପଶ୍ଚମବଙ୍ଗ ନେକୁଡ଼ୁସୁନିରେ । ଖଡ଼ଗପୁର ସିଆଇବିର ଇନ୍ସପେକ୍ଟର ସୁରେଶ କୁମାରଙ୍କ ନେତୃତ୍ବରେ ଏକ ୫ ଜଣିଆ ଦଳ ବାଲେଶ୍ବର ଆସି ଆରପିଏଫଙ୍କ ସହଯୋଗରେ ସଂପୃକ୍ତ ବ୍ୟକ୍ତିଙ୍କୁ ଧରିଛନ୍ତି । ନିତାଇ ଦାସଙ୍କ ନାମରେ ଆଗରୁ ଅଭିଯୋଗ ରହିଥିଲା । ନିତାଇ ଦାସ ତୀର୍ଥଯାତ୍ରୀଙ୍କ ପାଇଁ ଏହି ଟିକେଟ୍ କାଟିଥିବାର କହିଛନ୍ତି । ଜଣେ ବ୍ୟକ୍ତି ଏକ ସମୟରେ ଏତେଗୁଡ଼ିଏ ଟିକେଟ କାଟିବାର ନିୟମ ନଥିବାରୁ ତାକୁ ଧରାଯାଇ ତାର ଟିକେଟ୍ ଗୁଡ଼ିକୁ ସିଜ୍ କରାଯିବା ସହ ତାକୁ କୋର୍ଟ ଚାଲାଣ କରାଯାଇଛି।