ଗୁଣି ଗାରେଡି ସନ୍ଦେହ : ଗରମ ଗୋବର ପାଣିରେ ୩ ଜଣଙ୍କ ହାତ ଭର୍ତ୍ତି ଅଭିଯୋଗ

Published By : Prameya-News7 Bureau | July 09, 2019 IST

ନବରଙ୍ଗପୁର ୯|୭:  ନବରଙ୍ଗପୁରରେ ଗୁଣି ଗାରେଡ଼ି ସନ୍ଦେହରେ ତିନି ଜଣଙ୍କୁ ନିର୍ଯାତନା ଅଭିଯୋଗ ହୋଇଛି । ଗରମ ଗୋବର ପାଣିରେ ୩ ଜଣଙ୍କର ହାତ ଜବରଦସ୍ତି ଭର୍ତ୍ତି କରାଯାଇଥିବା ଅଭିଯୋଗ ହୋଇଛି । ତିନି ଜଣଙ୍କର ହାତ ପୋଡ଼ି ଯାଇଛି । ନବରଙ୍ଗପୁର ଥାନା ନୂଆଗୁଡ଼ା ଗାଁରେ ଏହି ଘଟଣା ଘଟିଛି । ଗୋଟିଏ ପରିବାରର ତିନି ଜଣ ସଦସ୍ୟଙ୍କୁ ଏଭଳି ଅକଥନୀୟ ନିର୍ଯାତନା ଦେଇଛନ୍ତି ୨ଟି ପରିବାରର ସଦସ୍ୟ । ଏହି ଗାଁର ବନମାଳୀ ଜାନୀ, ତାଙ୍କ  ସ୍ତ୍ରୀ ଦୃପୁତ ଜାନୀ ଓ ୧୭ବର୍ଷୀୟ ଝିଅ ଶୁଭ ଜାନୀଙ୍କୁ  ପାଖ ପଡୋଶୀ ଏଭଳି କାମ କରିଥିବା ଅଭିଯୋଗ ହୋଇଛି ।

{"id":131915}

ଘଟଣା ଅନୁସାରେ ବନମାଳୀ ଗୁଣି ଗାରେଡି କରି ସେମାନଙ୍କର ଗାଈ, ଛେଳି, ମେଣ୍ଢାକୁ ମାରିଦେଉଛି ଓ ଲୋକ ମାନଙ୍କୁ ମଧ୍ୟ ଗୁଣି କରୁଛି ବୋଲି ପାଖ ପଡୋଶୀ ଅଭିଯୋଗ କରିଛନ୍ତି । ତେବେ ଏଭଳି ଘଟଣାକୁ ନେଇ ଥାନାରେ ଏତଲା ଦିଆଯିବା ପରେ ଛାନଭିନ୍ ଆରମ୍ଭ କରିଛି ପୋଲିସ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.