ଅନୁଗୋଳ ୧୨/୦୩: ଅନୁଗୋଳ ଜିଲ୍ଲା ୫୫ ନମ୍ୱର ଜାତୀୟ ରାଜପଥ ସାନ୍ତରାପୁରରେ ମର୍ମନ୍ତୁଦ ସଡ଼କ ଦୁର୍ଘଟଣା। ପିକଅପ ଭ୍ୟାନ୍‌ ଓ ବାଇକ୍‌ ଧକ୍କାରେ ୩ ଜଣଙ୍କର ମୃତ୍ୟୁ ହୋଇଛି।  ତିନି ମୃତକ ହେଲେ ସିପୁ ପ୍ରଧାନ, ସୁନିଲ ପ୍ରଧାନ ଓ ମାନସ ବେହେରା। ମୃତକ ତିନି ଜଣ ବାଇକ୍‌ରେ ଯାଉଥିବା ବେଳେ ଏକ ପିକଅପ୍‌ ଭ୍ୟାନ୍‌ ସହିତ ଧକ୍କା ହେବାରୁ ୩ ଜଣଙ୍କର ମୃତ୍ୟୁ ହୋଇଛି। ସେମାନେ କୁଲେଇ ଗାଁର ବାସିନ୍ଦା ବୋଲି ଜଣାପଡ଼ିଛି।

ଖବର ଅନୁସାରେ, କୁଳେଇ ଗାଁର ୩ ଯୁବକ ବାଇକ୍‌ରେ ଜରପଡା ଆଡକୁ ଯିବାବେଳେ ଅନୁଗୋଳକୁ ଯାଉଥିବା ଏକ ପରିବା ବୋଝେଇ ପିକଅପ ଭ୍ୟାନ ସେମାନଙ୍କୁ ଧକ୍କା ଦେଇଥିଲା। ଫଳରେ ସେଠାରେ ସେମାଭଙ୍କର ମୃତ୍ୟୁ ହୋଇଥିଲା। ଏହି ଖବର ପାଇ ଜରପଡ଼ା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରଛି।