Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ଗଂଜାମ ସାନଖେମୁଣ୍ଡିରେ ବିଜେଡିରୁ ନନ୍ଦିନୀ ଦେବୀ ନା ଲତିକା ପ୍ରଧାନ କିଏ ପାଇବେ ଟିକେଟ୍ ?

7/03/2019 at 4:03 PM

ବ୍ରହ୍ମପୁର ୭|୩ (ସୁରଜିତ୍ ପଣ୍ଡା) : ମୁଖ୍ୟମନ୍ତ୍ରୀଙ୍କ ଦୁଇ ଦୁଇ ଥର ଗସ୍ତ ଗଞ୍ଜାମ ଜିଲ୍ଲା ରାଜନୀତିକୁ ଚଳଚଞ୍ଚଳ କରିଛି । ଆଗାମୀ ନିର୍ବାଚନରେ ବିଜେଡି ପ୍ରାର୍ଥୀଙ୍କୁ ଜନସମର୍ଥନ ମିଳିବ ବୋଲି ଆଶା କରୁଛନ୍ତି ଦଳୀୟ ନେତା । ସେପଟେ ଦଳରେ ଏକାଧିକ ଆଶାୟୀଙ୍କୁ ମ୍ୟାନେଜ୍‌ କରିବା ବି କାଠିକର ପାଠ ହୋଇପାରେ । ଶାସକ ଦଳର ଷ୍ଟାଟେଜିକୁ ଦେଖି ବିରୋଧୀ ମଧ୍ୟ ନିଜ ଆକ୍ଟିଭିଟିକୁ ତେଜ୍‌ କରିଛନ୍ତି । ଏସବୁ ଭିତରେ କେମିତି ଜମିଲାଣି ଗଞ୍ଜାମ ରାଜନୀତି ଚାଲନ୍ତୁ ତା’ ଉପରେ ଟିକେ ନଜର ପକାଇବା ।

ଆସିଲାଣି ନିର୍ବାଚନ । ପରୀକ୍ଷା ଦେବେ ନେତା । ପରଖିବେ ଜନତା । ଭୋଟରଙ୍କ  ଭରସା ଜିତିବାକୁ ଜୋରସୋରରେ ମାତିଲେଣି ସବୁ ରାଜନୈତିକ ଦଳ । ଏମିତିରେ ବିଜେଡି ତା’ର ଜନସମ୍ପର୍କ ଷ୍ଟ୍ରାଟେଜିରେ ଆଗକୁ ବଢ଼ିବାକୁ ପ୍ରୟାସ ଚଳାଇଛି । ଏହା ଭିତରେ ଦୁଇ ଦୁଇ ଥର ଗଞ୍ଜାମ ଜିଲ୍ଲା ଗସ୍ତ କରି ବିଭିନ୍ନ ଜନ କଲ୍ୟାଣକାରୀ ଯୋଜନାର ଶୁଭାରମ୍ଭ ଓ ଶିଳାନ୍ୟାସ କରିଛନ୍ତି ଖୋଦ୍‌ ମୁଖ୍ୟମନ୍ତ୍ରୀ । ଯାହାକୁ ନେଇ ଉତ୍ସାହିତ ଅଛନ୍ତି ସ୍ଥାନୀୟ ବିଜେଡି ନେତା । ହେଲେ ଜିଲ୍ଲାର କେତେକ ନିର୍ବାଚନ ମଣ୍ଡଳୀରେ ଏକାଧିକ ଆଶାୟୀ ଦଳ ପାଇଁ ମୁଣ୍ଡ ବିନ୍ଧାର କାରଣ ହୋଇଛି । ଏମିତିରେ ଆମେ ଯଦି ଦେଖିବା ତାହେଲେ ସାନଖେମୁଣ୍ଡି ନିର୍ବାଚନ ମଣ୍ଡଳୀରେ ବର୍ତ୍ତମାନର ବିଧାୟିକା ନନ୍ଦିନୀ ଦେବୀଙ୍କ ସମେତ ରାଜ୍ୟ ସମାଜ ମଙ୍ଗଳ ବୋର୍ଡ଼ ଅଧ୍ୟକ୍ଷା ଲତିକା ପ୍ରଧାନ, ସମାଜସେବୀ ମଙ୍ଗୁଳୁ ପାତ୍ର ବିଜେଡିରେ ଟିକେଟ୍‌ ଆଶାୟୀ ଅଛନ୍ତି ।

 ସାନଖେମୁଣ୍ଡିରେ ବିଜେଡିର ଏକାଧିକ ଆଶାୟୀ ଏବେ ନିଜ ନିଜ ଷ୍ଟ୍ରାଟେଜିରେ ମାତିଛନ୍ତି । ଠିକ୍‌ ସେମିତି କବିସୂର୍ଯ୍ୟନଗରରେ ବିଧାୟିକା ତଥା ଖଲିକୋଟ ରାଣୀ ଭି.ସୁଜ୍ଞାନୀ କୁମାରୀ ଦେଓଙ୍କ ସମେତ ଗତ ନିର୍ବାଚନରେ ସ୍ବାଧୀନ ପ୍ରାର୍ଥୀ ହୋଇଥିବା ହର ପ୍ରସାଦ ସାହୁ ମଧ୍ୟ ବିଜେଡି ଟିକେଟ୍‌ ଆଶାୟୀ ରେସ୍‌ରେ ଅଛନ୍ତି । ବ୍ରହ୍ମପୁରରେ ବିଧାୟକ ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକଙ୍କ ସମେତ କଂଗ୍ରେସରୁ ବିଜେଡିକୁ ଆସିଥିବା ପୂର୍ବତନ ମନ୍ତ୍ରୀ ଚନ୍ଦ୍ରଶେଖର ସାହୁ ଏବଂ ବିକ୍ରମ ପଣ୍ଡା ମଧ୍ୟ ଆଶାୟୀ ରେସ୍‌ରେ ଅଛନ୍ତି ।  ଗଞ୍ଜାମ ରାଜନୀତିରେ ବିଜେଡିର ସ୍ଥିତି ଭଲ ଥିଲେ ବି ସବୁ ନିର୍ବାଚନ ମଣ୍ଡଳୀରେ ଏକାଧିକ ଆଶାୟୀ ଦଳ ପାଇଁ ଚିନ୍ତାର କାରଣ ହୋଇଛନ୍ତି ।  ଯାହାର ସୁଯୋଗ ନେବାକୁ ରଣନୀତି ତୟାର କରିଛନ୍ତି ବିରୋଧୀ ।

 ନିର୍ବାଚନ ଯେତିକି ପାଖଉଛି ନେତାଙ୍କ ଆକ୍ଟିଭିଟି ସେତିକି ବଢ଼ିବାଲେ ଲାଗିଛି ।  ନିଜ ସପକ୍ଷରେ ସମର୍ଥନ ଯୋଗାଡ଼ରେ ମାତିଛନ୍ତି ଟିକେଟ୍‌ ଆଶାୟୀ । ଏବେ ଅପେକ୍ଷା କେବଳ ପ୍ରାର୍ଥୀ ଘୋଷଣାକୁ ।

   Related Posts