ଖଲ୍ଲିକୋଟ୧୯/୫: ବିଷ ପିଇଦେଲେ ଗୋଟିଏ ପରିବାରର ୩ ଜଣ । ମାଆ ମୃତ, ବାପା-ପୁଅ ଗୁରୁତର । ଖଲ୍ଲିକୋଟ ଥାନା ଡିମିରିଆ ପଞ୍ଚାୟତ ଡିମିରିଆ ଗାଁରେ ଅଘଟଣ । କୌଣସି ଘଟଣାକୁ ନେଇ ଗାଁର ଶଶୀ ମୁଦୁଲି, ପତ୍ନୀ କୁନ୍ତଳା ମୁଦୁଲି ଓ ପୁଅ ଚିତ୍ରସେନ ମୁଦୁଲି ଏକା ସହ ବିଷ ପିଇଦେଇଥିଲେ । ଗୁରୁତର ଅବସ୍ଥାରେ ସମସ୍ତଙ୍କୁ ଆମ୍ବୁଲାନ୍ସ ଯୋଗେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ହସ୍ପିଟାଲରେ କୁନ୍ତଳାଙ୍କର ମୃତ୍ୟୁ ହୋଇଯାଇଛି ।
ଶଶି ଓ ଚିତ୍ରସେନଙ୍କ ଅବସ୍ଥା ସଂକଟାପନ୍ନ ରହିଛି । ତେବେ କେଉଁ କାରଣରୁ ଶଶି ମୁଦୁଲିଙ୍କ ପରିବାର ବିଷ ପିଇ ଆତ୍ମହତ୍ୟା କରିବାକୁ ନିଷ୍ପତ୍ତି ନେଲେ ତାହା ଜଣାପଡିନି । ପାରିବାରିକ କାରଣକୁ ନେଇ ଏମିତି ଅଘଟଣ ଘଟିଥିବା ସନ୍ଦେହ କରାଯାଉଛି । ପୋଲିସ ଘଟଣାର ତଦନ୍ତ କରୁଛି ।