ଯାଜପୁର ୧୬।୦୫ : କାମ ବେଳେ ଧସିଲା ମାଟି ଅତଡ଼ା । ଯେଉଁଥିରେ ଚାଲିଯାଇଛି ତିନି ଶ୍ରମିକଙ୍କ ଜୀବନ । ଯାଜପୁର ଜିଲ୍ଲା ବିଞ୍ଝାରପୁର ଅଲକୁଣ୍ଡ ଥାନା କପିଳା ପଞ୍ଚାୟତ ରାହାସଗୁହାଳି ଗାଁରେ ଘଟିଛି ଏହି ଅଘଟଣ ।
ଖବର ଅନୁଯାୟୀ, ବୁଧବାର ବିଳମ୍ବିତ ରାତିରେ ବିଞ୍ଝାରପୁରର ଅଳକୁଣ୍ଡ ଅଞ୍ଚଳରେ ପାନୀୟ ଜଳ ପ୍ରକଳ୍ପ ଲାଗି ପାଇପ୍ ବିଛା ଯାଉଥିଲେ । ଏହି ସମୟରେ ହଠାତ୍ ମାଟି ଧସେଇ ପଡିଥିଲା । ଯାହାଫଳରେ ପାଇପ ବିଛାଉଥିବା ଶ୍ରମିକଙ୍କ ଉପରେ ପଡିଯାଇଥିଲା । ଯେଉଁଥିରେ ତିନି ଜଣ ଶ୍ରମିକଙ୍କର ମୃତ୍ୟୁ ହୋଇଯାଇଛି। ବାକି ଆଉ କିଛି ଶ୍ରମିକ ଆହତ ହୋଇଥିବା ସୂଚନା ମିଳିଛି । ତେବେ ବର୍ତ୍ତମାନ ସୁଦ୍ଧା ମୃତକଙ୍କ ପରିଚୟ ମିଳିପାରିନାହିଁ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
