vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

କଟକରେ ରହସ୍ୟଜନକ ସିରିଜ ମର୍ଡର : ୨୪ଘଣ୍ଟା ଭିତରେ ଗୋଟିଏ ଶୈଳୀରେ ତଣ୍ଟିକାଟି ୩ଜଣଙ୍କୁ ହତ୍ୟା, ଟାର୍ଗେଟରେ ଫୁଟପାଥରେ ଶୋଉଥିବା ଲୋକେ…

24/07/2019 at 3:51 PM

କଟକ ୨୪|୭: ଅଶାନ୍ତ ସିଲଭରସିଟି । ୨୪ ଘଣ୍ଟା ଭିତରେ କଟକ ସହରରେ ଘଟିଲାଣି ତିନି ତିନିଟି ବିଭତ୍ସ ହତ୍ୟାକାଣ୍ଡ । ହତ୍ୟାକାରୀ କିଏ, କାହିଁକି ଏଭଳି ଜଘଣ୍ୟ କାଣ୍ଡ ଭିଆଉଛି ?  ନରହନ୍ତାକୁ ଠାବ କରିବାରେ ପୁଲିସ ବି ଫେଲ୍ ମାରିଛି । ତେବେ  ଘଟଣା ସ୍ଥଳ ପରିଦର୍ଶନ ପରେ ଖୁବଶୀଘ୍ର ହତ୍ୟାକାରି ପୁଲିସ ପଞ୍ଝାକୁ ଆସିବ ବୋଲି କହିଛନ୍ତି ପୁଲିସ କମିଶନର ।

କଟକରେ ମାତିଛନ୍ତି ତଣ୍ଟିକଟା ଅପରାଧୀ ।୨୪ ଘଣ୍ଟା ଭିତରେ ସହରରେ ଗଡିଲାଣି ତିନି ତିନିଟି ମୁଣ୍ଡ । ବିଳମ୍ବିତ ରାତ୍ରୀରେ ଅପରାଧୀ ଘଟାଉଛନ୍ତି ବିଭତ୍ସ ହତ୍ୟାକାଣ୍ଡ ।ହତ୍ୟା ପଛର କାରଣ କଣ ? କିଏ ଖେଳୁଛି ରକ୍ତର ହୋଲି ? ତାହା କିନ୍ତୁ ଅସ୍ପଷ୍ଟ । ହତ୍ୟାକାରୀ ଜଣେ ନା ଏକାଧିକ ବ୍ୟକ୍ତି, ତାହା ବି କହିବା ମୁସ୍କିଲ । ୩ଜଣ ସାଧାରଣ ଲୋକ ହତ୍ୟାର ଶିକାର ହୋଇଥିବା ବେଳେ ସମସ୍ତଙ୍କ ତଣ୍ଟିକୁ କାଟି ଅତି ନିର୍ମମ ଭାବେ ହତ୍ୟା କରାଯାଇଛି ।

ମଙ୍ଗଳବାର ସକାଳୁ ରାଣୀହାଟ ପୋଲ ନିକଟରେ ଜଣ ଶ୍ରମିକଙ୍କୁ  ତଣ୍ଟିକାଟି ହତ୍ୟା କରାଯାଇଥିଲା ।ଆଜି ସକାଳୁ ଓଏମ୍‌ ପି ଛକ ନିକଟରୁ ପୁଣି ସେହିଭଳି ଅବସ୍ଥାରେ ଏକ ମୃତଦେହ ମିଳିଛି । ସେହିପରି ଏସ୍‌ସିବି ମେଡିକାଲ କାର୍ଡିଓଲୋଜି ଡିପାର୍ଟମେଣ୍ଟ ଆଗରେ ମଧ୍ୟ ଜଣଙ୍କୁ ତଣ୍ଟିକାଟି ହତ୍ୟା କରାଯାଇଛି । ତାଙ୍କୁ ମୁମୁର୍ଷ ଅବସ୍ଥାରେ ଉଦ୍ଧାର କରାଯାଇ ବଡ ମେଡିକାଲରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ସେ ଆଖି ବୁଜିଛନ୍ତି ।

ସିଲଭରସିଟିରେ ସିରିଜ୍ ହତ୍ୟାକାଣ୍ଡ ସାଧାରଣରେ ଭୟର ବାତାବରଣ ସୃଷ୍ଟି କରିଛି । ଲୋକଙ୍କ ମଧ୍ୟରେ ଆଲୋଡନ ସୃଷ୍ଟି ହୋଇଥିବା ବେଳେ ପୁଲିସ କମିଶନର କହିଛନ୍ତି ଏହା କୌଣଷି ମାନସିକ ବିକାରଗସ୍ତ ବ୍ୟକ୍ତିର କାମ ହୋଇଥାଇପାରେ । ହତ୍ୟାର ଶୀକାର ହୋଇଥିବା ୩ ଜଣଙ୍କ ଭିତରୁ ୨ ଜଣଙ୍କ ପରିଚୟ ପାଇଛି ପୁଲିସ । ହେଲେ ହତ୍ୟାକାରୀକୁ ଠାବ କରାଯାଇନାହିଁ । ସୁରକ୍ଷା ଦୃଷ୍ଟିରୁ ନାଇଟ୍‌ ପାଟ୍ରୋଲିଂ କଡାକଡି କରିବା ଉପରେ ଗୁରୁତ୍ବ ଦେଇଛନ୍ତି ପୁଲିସ କମିଶନର ।

ଟାର୍ଗେଟରେ ଫୁଟପାଥ୍‌ରେ ରାତି ବିତାଉଥିବା ବ୍ୟକ୍ତି । ଏସବୁ ଲୋମହର୍ଷଣକାରୀ ହତ୍ୟାକାଣ୍ଡ ଉପରୁ କେବେ ହଟିବ ପରଦା ? କେବେ ଧରାପଡିବେ ହତ୍ୟାକାରୀ ? ଅପରାଧୀଙ୍କ ଚରାଭୁଇଁ ପାଲଟିଥିବା କଟକରେ କେମିତି ଫେରିବ ଶାନ୍ତି ? ଅପରାଧ ରୋକିବା ଏବଂ ଅପରାଧୀକୁ ଠାବ କରିବା ଏବେ ପୁଲିସ ପାଇଁ ବଡ ଚ୍ୟାଲେଞ୍ଜ ।

   Related Posts