ଘଟଗାଁ ୨୪/୦୨: କେନ୍ଦୁଝର ଜିଲ୍ଲା ଘଟଗାଁ ବନାଞ୍ଚଳ ଅନ୍ତର୍ଗତ କାଦବାହାଳି ଗାଁରୁ ୩ଟି ହରିଣ ଛାଲ ଜବତ। ଏହି ଅଭିଯୋଗରେ ଜଣକୁ ଗିରଫ କରିଛି ଘଟଗାଁ ବନବିଭାଗ। ଗିରଫ ଅଭିଯୁକ୍ତ ହେଲେ ଯଦୁମଣି ନାଏକ। ଖବର ଅନୁସାରେ ଜଦୁମଣି ଜଣେ ଅଭ୍ୟାସ ଗତ ଶିକାରୀ।

ସେ ହରିଣ ଶିକାର କରି ଖାଇବା ସହ ଛାଲକୁ ବିକ୍ରି କରିବା ପାଇଁ ରଖିଥିଲା। ଏନେଇ ବନବିଭାଗ ଖବର ପାଇ ଏସିଏଫ ଘନଶ୍ୟାମ ମହାନ୍ତଙ୍କ ନେତୃତ୍ୱରେ ଚଢଉ କରିଥିଲା। ତେବେ ଗିରଫ ଅଭିଯୁକ୍ତକୁ ଶୁକ୍ରବାର କୋର୍ଟ ଚାଲାଣ କରାଯିବ ବୋଲି ବନବିଭାଗ ପକ୍ଷରୁ ସୂଚନା ଦିଆଯାଇଛି।