ନୀଳଗିରି ୨୩/୫: ବାଲେଶ୍ୱର ଜିଲ୍ଲାର କୁରୁଡା ପଡ଼ିଆରେ ଚଳିତ ମାସ ୨୫, ୨୬ ଓ ୨୭ ତାରିଖ ଯଥାକ୍ରମେ ୩ ଦିନ ଧରି କୃଷି ସଂଯନ୍ତ୍ର ନାମକ କୃଷି ମେଳା  ଅନୁଷ୍ଠିତ ହେବ। କୃଷି ଜାଗରଣ ସଂସ୍ଥା ଆନୁକୁଲ୍ୟରେ ଏହା ଆୟୋଜନ କରଯାଇଛି। ଏହାକୁ ଭାରତ ସରକାରଙ୍କର ମତ୍ସ୍ୟ, ପଶୁପାଳନ ଓ ଗୋପାଳନ ବିଭାଗ ମନ୍ତ୍ରୀ ପୁରୁଷୋତ୍ତମ ରୂପାଲା ମାର୍ଚ୍ଚ ୨୫ ଶନିବାର ଦିନ ଉଦଘାଟନ କରିବାର କାର୍ଯ୍ୟକ୍ରମ ରହିଛି।

ଏଥିରେ ଅନେକ କୃଷକ, ଗୋପାଳକ , କୁକୁଡ଼ା ଓ ଛେଳି ପାଳକ, ମାଛ ଚାଷୀ, ମତ୍ସ୍ୟ ଶିଳ୍ପୋଦ୍ୟୋଗୀ, କୃଷି ଯନ୍ତ୍ରପାତି ଓ ନିର୍ମାତା, ଖାଦ୍ୟ ପ୍ରକ୍ରିୟାକରଣ ଉଦ୍ଦ୍ୟୋଗୀ, କୃଷି ବୈଜ୍ଞାନିକ, ମହିଳା ସ୍ୱୟଂ ସହାୟକ ଗୋଷ୍ଠୀର କା୦ର୍ଯ୍ୟକର୍ତାମାନେ ଯୋଗ ଦେବେ। ଏଥିରେ ବିଭିନ୍ନ ସମବାୟ ସଂସ୍ଥା, କୃଷକ ଉତ୍ପାଦକ ସଂଗଠନ(FPO), ମତ୍ସ୍ୟ - କୃଷକ ଉତ୍ପାଦକ ସଂଘ (FFPO), ବ୍ୟବସାୟୀ, ସରକାରୀ, କୃଷି ବିଶ୍ଵବିଦ୍ୟାଳୟ, କୃଷି ବିଜ୍ଞାନ କେନ୍ଦ୍ର, ନାବାର୍ଡ ଓ ଅନ୍ୟାନ୍ୟ ବ୍ୟାଙ୍କର ଅଧିକାରୀ ଯୋଗ ଦେବେ। ଚାଷୀମାନଙ୍କୁ ଚାଷ, ସଂରକ୍ଷଣ, ପ୍ରକ୍ରିୟାକରଣ, ବଜାର, ଅର୍ଥାଗମ ଓ ଅର୍ଥ ପରିଚାଳନା, ସବ୍ସିଡି ଓ ଅନ୍ୟାନ୍ୟ ବୈଷୟିକ ପ୍ରଶିକ୍ଷଣ ପ୍ରଦାନ କରାଯିବ।

ଅନ୍ୟପଟେ ସାଂସଦ ପ୍ରତାପ ଷଡ଼ଙ୍ଗୀ ତତ୍ୱବଧାନରେ ଏହି ମେଳା ହେବ ବୋଲି ଜଣାପଡିଛି। ରାଜ୍ୟ ଓ କେନ୍ଦ୍ର ସରକାରଙ୍କ ଅନ୍ୟାନ୍ୟ ଅଧିକାରୀମାନେ ଏଥିରେ ଯୋଗ ଦେବେ। ୫୦୦ ସଫଳ ଚାଷୀମାନଙ୍କୁ ଏଠାରେ ସମ୍ମାନିତ କରାଯିବ। ଏହି ମେଳାରେ ମହିଳା ସ୍ବୟଂ ସହାୟକ ଗୋଷ୍ଠୀ, କୃଷି ଉଦ୍ୟୋଗୀ ଓ ଅନ୍ୟାନ୍ୟ ଶିଳ୍ପୋଦ୍ୟୋଗୀଙ୍କର ଷ୍ଟଲ୍ ଲାଗିବ ଓ ଉତ୍ପାଦିତ ସାମଗ୍ରୀ ବିକ୍ରି ହେବ। ସେପଟେ ଏଥିରେ ସନ୍ଧ୍ୟାରେ ବିଭିନ୍ନ ସାଂସ୍କୃତିକ ଓ ମନୋରଞ୍ଜନ କାର୍ଯ୍ୟକ୍ରମ ଅନୁଷ୍ଠିତ ହେବ।