ସମ୍ବଲପୁର ୧୦।୩: ସମ୍ବଲପୁର ଗୁଇନ୍ଦା ଅବକାରୀ ବିଭାଗ ପକ୍ଷରୁ ଶୁକ୍ରବାର ତାଲବଠାରେ ଗାଡି ଚେକିଂ କରୁଥିବା ସମୟରେ ଏକ ବିହାର ନମ୍ବର ଥିବା ବୋଲେରୋକୁ ସନ୍ଦେହ ହୋଇଥିଲା l ବୋଲେରୋକୁ ଅଟକାଇ ଚେକିଂ କଲାବେଳେ ଗାଡିର ସିଟ୍ ତଳେ ସିକ୍ରେଟ୍ ଚ୍ୟାମ୍ବର କରି ପ୍ରାୟ ୧୦୫ କେଜି ଗଞ୍ଜେଇ ରହିଥିଲା l ଗଞ୍ଜେଇଗୁଡିକ ବୌଦ୍ଧରୁ ବିହାର ଚାଲାଣ ହେଉଥିଲା l ଏହି ଗଞ୍ଜେଇର ଆନୁମାନିକ ମୂଲ୍ୟ ୧୦ ଲକ୍ଷ ୫୦ ହଜାର ଟଙ୍କା ହେବ l ଗଞ୍ଜେଇ ଚୋରା ଚାଲାଣ ଅଭିଯୋଗରେ ୩ ଜଣଙ୍କୁ ଗିରଫ କରିଛି ଅବକାରୀ ବିଭାଗ l ୩ ଅଭିଯୁକ୍ତମାନେ ହେଲେ ସଜ୍ଜନ ଯାଦବ, ପ୍ରିନ୍ସ କୁମାର ସିଂ ଓ ଶୈଳେନ୍ଦ୍ର କୁମାର l