ନୂଆଦିଲ୍ଲୀ ୨୫/୦୨: ଆମେରିକୀୟ ବିଲେନିୟର ତଥା ଫାଇନାନ୍ସର୍ ଥୋମାସ୍ ଏଚ୍ ଲିଙ୍କ ମୃତ୍ୟୁ । ନ୍ୟୁୟର୍କ ସ୍ଥିତ ୭୬୭ ପଞ୍ଚମ ମହଲାରେ ଥିବା ତାଙ୍କ କାର୍ଯ୍ୟାଳୟରୁ ମିଳିଛି ମୃତଦେହ । ଗଣମାଧ୍ୟମ ରିପୋର୍ଟ ଅନୁଯାୟୀ, ତାଙ୍କ ମୃତଦେହ ଲିଙ୍କ ମୃତଦେହ ମ୍ୟାନହଟନ କାର୍ଯ୍ୟାଳୟରୁ ମିଳିଛି । ମୁଣ୍ଡରେ ଗୁଳିମାଡ ହୋଇଥିବାରୁ ତାଙ୍କର ମୃତ୍ୟୁ ହୋଇଛି ।
ତେବେ ଯାହା ଜଣାପଡୁଛି ସେ ନିଜେ ନିଜକୁ ଗୁଳିମାରି ଆତ୍ମହତ୍ୟା କରିଛନ୍ତି । ପୋଲିସ ଗଣମାଧ୍ୟମକୁ ସୂଚନା ଦେଇଛି ଯେ, ଗୁରୁବାର ସକାଳେ ୭୬୭ ପଞ୍ଚମ ମହଲାରେ ୭୮ବର୍ଷ ବୟସ୍କ ବ୍ୟକ୍ତିଙ୍କ ମୃତଦେହ ମିଳିଛି । ଯେଉଁଠାରୁ ମୃତଦେହ ମିଳିଛି ସେହି ଠିକଣାଟି ଥୋମାସ୍ ଏଚ୍ ଲିଙ୍କ କ୍ୟାପିଟାଲ୍ ଏଲଏଲ୍ସିର କାର୍ଯ୍ୟାଳୟ । ଯଦିଓ ସେ ଆତ୍ମହତ୍ୟା କରିଥିବା ପୋଲିସ ନିଶ୍ଚିତ କରିନାହିଁ।
ଲିଙ୍କ ମୃତଦେହ ପ୍ରଥମେ ତାଙ୍କ କାର୍ଯ୍ୟାଳୟରେ ଫ୍ଲୋର ସଫା କରୁଥିବା ଜଣେ ମହିଳା ଦେଖିବାକୁ ପାଇଥିଲେ । ସକାଳୁ ଲିଙ୍କ ଖୋଜ ଖବର ମିଳିନଥିଲା । ତାଙ୍କର ଖୋଜାଖୋଜି ଜାରି ରହିଥିଲା । ଫୋର୍ବସ୍ ରିପୋର୍ଟ ଅନୁଯାୟୀ, ମୃତ୍ୟୁ ବେଳକୁ ଲି'ଙ୍କର ସମ୍ପତ୍ତି ପ୍ରାୟ ୨ ବିଲିୟନ ଥିଲା । ଲି'ଙ୍କ ତାଙ୍କ ପତ୍ନୀ ଆନ୍ ଟେନେନବାମ୍ ଏବଂ ପାଞ୍ଚ ପିଲା ଅଛନ୍ତି ।
ଫକ୍ସ ନ୍ୟୁଜ୍ ରିପୋର୍ଟ ଅନୁଯାୟୀ, ଥୋମାସ୍ ଲିଙ୍କ ପରିବାର ବନ୍ଧୁ ତଥା ମୁଖପାତ୍ର ମାଇକେଲ୍ ସାଇଟ୍ରିକ୍ ଏକ ବିବୃତ୍ତିରେ କହିଛନ୍ତି, "ଟମଙ୍କ ମୃତ୍ୟୁରେ ପରିବାର ଗଭୀର ଦୁଃଖରେ ଭାଙ୍ଗିପଡିଛନ୍ତି । ସାରା ବିଶ୍ୱ ତାଙ୍କୁ ଘରୋଇ ଇକ୍ୱିଟି ବ୍ୟବସାୟରେ ଜଣେ ଅଗ୍ରଣୀ ତଥା ଜଣେ ସଫଳ ବ୍ୟବସାୟୀ ଭାବରେ ଜାଣୁଥିଲା । ଜଣେ ଭଲ ସ୍ୱାମୀ, ବାପା ତଥା ଅନ୍ୟ ସବୁ ସମ୍ପର୍କ ନିଭାଇବାରେ ସେ ଥିଲେ ବହୁତ ଭଲ ବ୍ୟକ୍ତି । ସର୍ବଦା ନିଜ ଦାୟିତ୍ୱ ତୁଲାଇବାରେ ସେ କେବେ ଅବହେଳା କରିନାହାଁନ୍ତି ।
ଥୋମାସ୍ ଲି ଲି ଇକ୍ୱିଟିର ପ୍ରତିଷ୍ଠାତା ତଥା ଚେୟାରମ୍ୟାନ୍ ଥିଲେ । ୨୦୦୬ରେ ସେ ଏହାକୁ ପ୍ରତିଷ୍ଠା କରିଥିଲେ । ଏହାପୂର୍ବରୁ ସେ ଥୋମାସ୍ ଏଚ୍ ଲି ପାର୍ଟନର୍ସର ଚେୟାରମ୍ୟାନ୍ ତଥା ସିଇଓ ଭାବରେ କାର୍ଯ୍ୟ କରିଥିଲେ । ବିଲେନିୟର ଲି ଗତ ୪୬ ବର୍ଷ ମଧ୍ୟରେ ଶହ ଶହ କାରବାରରେ ୧୫ ବିଲିୟନ ଡଲାରରୁ ଅଧିକ ବିନିଯୋଗ କରିଛନ୍ତି । ଏହି କାରବାରଗୁଡ଼ିକରେ ୱାର୍ଣ୍ଣର ମ୍ୟୁଜିକ୍ ଏବଂ ସ୍ନାପଲ୍ ଭଳି ଜଣାଶୁଣା ବ୍ରାଣ୍ଡର କ୍ରୟ, ବିକ୍ରୟ କରୁଥିଲେ । ସେ ଜଣେ ଚାଣକ୍ୟ ତଥା ଟ୍ରଷ୍ଟି ଭାବରେ ମଧ୍ୟ ପରିଚିତ ଥିଲେ । ଯିଏକି ଲିଙ୍କନ୍ ସେଣ୍ଟର, ମ୍ୟୁଜିୟମ୍ ଅଫ୍ ମଡର୍ନ ଆର୍ଟ, ବ୍ରାଣ୍ଡିସ୍ ୟୁନିଭରସିଟି, ହାର୍ଭାର୍ଡ ୟୁନିଭରସିଟି ଏବଂ ଯିହୁଦୀ ହେରିଟେଜ୍ ସଂଗ୍ରହାଳୟ ସମେତ ଅନେକ ସଂଗଠନର ବୋର୍ଡରେ ସେବା କରିଥିଲେ।
