ନୂଆଦିଲ୍ଲୀ ୧୯।୩: ହିନ୍ଦୁ ପଞ୍ଚାଙ୍ଗ ଅନୁସାରେ ବର୍ଷରେ ୪ଟି ନବରାତ୍ରି ପାଳିତ ହୋଇଥାଏ। ଶକ୍ତି ଆରାଧନାର ମହାପର୍ବ ନବରାତ୍ରି ଚୈତ୍ର ଶୁକ୍ଳ ପ୍ରତିପଦାରୁ ଆରମ୍ଭ ହେଉଛି। ଏହି ଦିନ ନୂଆ ସମ୍ବତ୍ସର ମଧ୍ୟ ଆରମ୍ଭ ହେଉଛି। ଚଳିତବର୍ଷ ନବରାତ୍ରରେ ୪ ଯୋଗର ବିଶେଷ ସଂଯୋଗ ସୃଷ୍ଟି ହୋଇଛି। ପୁରାକୁ ପୁରା ୯ ଦିନର ନବରାତ୍ର ସହିତ ମାଁଙ୍କ ଆଗମନ ନୌକାରେ ହେଉଥିବା ବେଳେ ପ୍ରସ୍ଥାନ ଶବାରୀରେ ହେବ। ଯାହା ଅତ୍ୟନ୍ତ ଶୁଭକାରୀ ବୋଲି କୁହାଯାଉଛି।
{"id":760353,"width":839,"height":472,"sizeSlug":"full","linkDestination":"none"}![](https://www.prameyanews7.com/wp-content/uploads/2023/03/Ma.jpg)
ଚୈତ୍ରମାସ ନବରାତ୍ରି ଚଳିତବର୍ଷ ୨୨ ନଭେମ୍ବର ବୁଧବାର ଆରମ୍ଭ ହେଉଛି, ଯାହା ମାର୍ଚ୍ଚ ୩୦ ତାରିଖ ପର୍ଯ୍ୟନ୍ତ ଚାଲିବ। ଏହା ସମ୍ପୂର୍ଣ୍ଣ ୯ ଦିବସୀୟ ନବରାତ୍ର। ଏଥିର ତିଥି ହ୍ରାସ ବୃଦ୍ଧି ହେଉ ନାହିଁ। ପ୍ରତିପଦା ତିଥି ୨୧ ମାର୍ଚ୍ଚ ରାତି ୧୧ଟା ୪ ମିନିଟ୍ରୁ ଆରମ୍ଭ ହେବ। ଏଣୁ ୨୨ମାର୍ଚ୍ଚ ସୂର୍ଯ୍ୟୋଦୟ ସହିତ କଳଶ ସ୍ଥାପନା ସାଙ୍ଗକୁ ନବରାତ୍ରି ପାଳନ ଆରମ୍ଭ ହେବ। ଚଳିତ ବର୍ଷ ମାଙ୍କ ଆଗମନ ନୌକାରେ ହେଉଥିବାରୁ ଏହା ସୁଖ ସମୃଦ୍ଧି କାରକ ସାବ୍ୟସ୍ତ ହେବ। ୯ ଦିନର ନବରାତ୍ରରେ ମାଙ୍କ ୯ଟି ସ୍ୱରୂପର ପୂଜାର୍ଚ୍ଚନା ହେବ।
{"id":760355,"width":839,"height":473,"sizeSlug":"full","linkDestination":"none"}![](https://www.prameyanews7.com/wp-content/uploads/2023/03/ma-1.jpg)
ଚଳିତବର୍ଷ ନବରାତ୍ରରେ ଗ୍ରହଙ୍କ ଚଳନ ମଧ୍ୟ ହେଉଛି। ଗ୍ରହଚଳନ ଯୋଗୁ ସଂଯୋଗ ୧୧୦ ବର୍ଷ ପରେ ଦେଖିବାକୁ ମିଳିବ। ଚଳିତ ବର୍ଷ ରାଜା ବୁଧ ଓ ମନ୍ତ୍ରୀ ଶୁକ୍ର ଗ୍ରହ ହେବେ। ଏଥି ଯୋଗୁ ଶିକ୍ଷା କ୍ଷେତ୍ରରେ କ୍ରାନ୍ତି ଆସିବ। ଏହା ଛଡା ଏହି ବର୍ଷଟି ମହିଳାଙ୍କର ଉତ୍ଥାନର ବର୍ଷ ସାବ୍ୟସ୍ତ ହେବ।