ନୂଆଦିଲ୍ଲୀ ୧୧/୬ : ଅଢେଇ ମାସ ଭିତରେ କୌଣସି ଗୋଟିଏ କମ୍ପାନୀର ସେୟାରରେ ପୁଞ୍ଜି ବିନିଯୋଗ କରି ଯଦି ଜଣେ ୯୧୫ କୋଟି ଟଙ୍କା ଆୟ କରେ ତାହେଲେ ନିଶ୍ଚୟ ତାଙ୍କୁ ସେୟାର ବଜାରର ଯାଦୁଗର ବୋଲି କୁହାଯିବ । ରାକେଶ ଝୁନଝୁନଵାଲା ନିଜ ପତ୍ନୀଙ୍କ ସହ ମିଶି ଟାଇଟନ କମ୍ପାନୀର ସେୟାର କିଣି ମାର୍ଚ୍ଚ ମାସରୁ ଏବେ ପର୍ଯ୍ୟନ୍ତ ୯୧୪.୯୧ କୋଟି ଟଙ୍କା ଲାଭ କରିସାରିଛନ୍ତି । ଝୁନଝୁନଵାଲାଙ୍କୁ ଭାରତୀୟ ସେୟାର ବଜାରର ୱାରେନ ବଫୈ ବୋଲି କୁହାଯାଏ ।

{"id":122148}

ଝୁନଝୁନଵାଲା ଏବଂ ତାଙ୍କ ପତ୍ନୀ ଟାଇଟନ କମ୍ପାନୀରେ ୮୦୪୦ କୋଟି ଟଙ୍କା ନିବେଶ କରିଥିଲେ । ମାର୍ଚ୍ଚ ମାସ ଶେଷ ଆଡକୁ ଏହି କମ୍ପାନୀରେ ଦମ୍ପତ୍ତିଙ୍କ ବିନିଯୋଗ ୭୧୨୫ କୋଟି ଟଙ୍କା ଥିଲା । ମାର୍ଚ୍ଚ ମାସ ଶେଷ ସୁଦ୍ଧା ସେ ଟାଇଟନ କମ୍ପାନୀର ୫.୭୨ ପ୍ରତିଶତ ଅଂଶୀଦାର ଥିଲେ । ଏବେ ପର୍ଯ୍ୟନ୍ତ ସେ ୭୪୩.୮୬ କୋଟି ଟଙ୍କା ଲାଭ ପଇସାରିଛନ୍ତି ।

{"id":122149}

୨୯ ମାର୍ଚ୍ଚ ସୁଦ୍ଧା ଟାଇଟନର ଗୋଟିଏ ସେୟାରର ମୂଲ୍ୟ ଥିଲା ୧୧୪୧ଟଙ୍କା ୦୫ ପଇସା । ମଙ୍ଗଳବାର ଦିନ ଏହି ସେୟାର ନିଜର ସର୍ବକାଳୀନ ଉଚ୍ଚତାକୁ ଛୁଇଁ ୧୨୮୭ ଟଙ୍କା ୫୫ ପଇସା ହୋଇଥିଲା । ରାକେଶନଙ୍କ ପତ୍ନୀ ରେଖା ଟାଇଟନ କମ୍ପାନୀରେ ୧.୧୬ କୋଟି ଟଙ୍କା ସେୟାର ଅର୍ଥାତ ୧.୩୨ ପ୍ରତିଶତ ସେୟାର କିଣିଥିଲେ । ଏହି ବିନିଯୋଗରେ ସେ ୧୭୧.୦୫ କୋଟି ଟଙ୍କା ଲାଭ ପାଇଛନ୍ତି ।

{"id":122150}

ସୂଚନାଯୋଗ୍ୟ ଯେ, ମାର୍ଚ୍ଚ ୩୧ ପର୍ଯ୍ୟନ୍ତ ଟାଇଟନର ଶୁଦ୍ଧ ଲାଭ ୧୪.୪ ପ୍ରତିଶତ ବଢିଥିଲା । କମ୍ପାନୀ ୩୪୮.୩ କୋଟି ଟଙ୍କା ଲାଭ ପାଇଥିଲା । ଟାଇଟନ କମ୍ପାନୀ ପ୍ଲେନ ଏବଂ ଷ୍ଟାଣ୍ଡାର୍ଡ ସୁନା ଅଳଙ୍କାର ଯଥା ତନିସ୍କ, ଗୋଲ୍ଡ ପ୍ଲସ, ଜୋୟା, ମିଆଁ ଭଳି ଅନେକ ବ୍ରାଣ୍ଡ ସଂଚାଳନ କରୁଛି । ଏହାଛଡା କମ୍ପାନୀ ଫାଷ୍ଟ୍ରାକ ବ୍ରାଣ୍ଡ ନାଁର ଅନେକ ଆକସେସୋରିଜ ମଧ୍ୟ ବିକ୍ରି କରୁଛି ।

{"id":122151}