scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜାଣନ୍ତୁ କିଏ ସେ ୮୦ ବର୍ଷିୟ ଲଲିତ୍‌ ଖୈତାନ୍‌ ? ଯାହାର ନାମ ଅବରପତିଙ୍କ ଲିଷ୍ଟରେ ହୋଇଛି ସାମିଲ୍‌…

13/02/2024 at 12:44 PM

ମୁମ୍ଵାଇ ୧୩।୦୨: ଦେଶର ଅର୍ଥନୀତିରେ ମଦ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।  ସରକାର ସିଗାରେଟ୍ ଏବଂ ମଦରୁ ଟ୍ୟାକ୍ସ ସଂଗ୍ରହ କରି ବହୁତ ରୋଜଗାର କରନ୍ତି। ଏହି ବଜାରର ଜଣେ ପ୍ରମୁଖ ଖେଳାଳି ହେଉଛନ୍ତି ଲଲିତ୍‌ ଖାଇତନ । ଆଜି ଆମେ ସେହି ବ୍ୟକ୍ତିଙ୍କ ବିଷୟରେ କହୁଛୁ ଯିଏ ମଦ ତିଆରି କରି ଦେଶ କଣ ବିଶ୍ଵକୁ ବିକ୍ରି କରି କୋଟି କୋଟି ଟଙ୍କା ରୋଜଗାର କରୁଛନ୍ତି । ବର୍ତ୍ତମାନ ସେ ଭାରତର ନୂତନ ବିଲିୟନେୟାର ମଧ୍ୟ ହୋଇଛନ୍ତି।

ଦିଲ୍ଲୀର ମଦ କମ୍ପାନୀ ରେଡିକୋ ଖୈତାନର ଚେୟାରମ୍ୟାନ୍ ଲଲିତ ଖୈତାନ । ଭାରତର ନୂଆ ଅବରପତି ହୋଇଛନ୍ତି। ବର୍ତ୍ତମାନ ତାଙ୍କର କୌଣସି ପରିଚୟର ଆବଶ୍ୟକତା ନାହିଁ। ୮୦ ବର୍ଷ ବୟସ ହୋଇଥିବା ଲଲିତ ବର୍ତ୍ତମାନ ଦେଶର ନୂତନ ବିଲିୟନେୟାର ହୋଇଛନ୍ତି। ସେ ଫୋର୍ବସ୍ ତାଲିକାରେ ସ୍ଥାନ ପାଇଛନ୍ତି। ଫୋର୍ବସ୍ ରିଅଲ୍ ଟାଇମ୍ ବିଲିୟନେୟାର ତାଲିକା ଅନୁଯାୟୀ ଲଲିତଙ୍କ ମୋଟ ସମ୍ପତ୍ତି ମୂଲ୍ୟ ଏକ ବିଲିୟନ ଡଲାରରେ ପହଞ୍ଚିଛି। ।

ଫୋର୍ବସ୍ ମାଗାଜିନ ଅନୁଯାୟୀ, ଦିଲ୍ଲୀର ଏହି ମଦ କମ୍ପାନୀର ସେୟାର ଚଳିତ ବର୍ଷ ୫୦ ପ୍ରତିଶତରୁ ଅଧିକ ବୃଦ୍ଧି ପାଇଛି। ରିପୋର୍ଟ ଅନୁଯାୟୀ, ରେଡିକୋ ଖୈତାନ ହେଉଛି ଭାରତର ବୃହତ୍ତମ ବିଦେଶୀ ମଦ ଉତ୍ପାଦନକାରୀ କମ୍ପାନୀ। ଯାହାର ଆୟ ଏହି ବିଭାଗରେ ୫୦ ପ୍ରତିଶତରୁ ଅଧିକ । ୧୯୯୭ରେ ଲଲିତଙ୍କ ପୁଅ ଅଭିଷେକ ଏହି ବ୍ୟବସାୟରେ ଦାୟିତ୍ଵ ଗ୍ରହଣ କରିବା ପରେ କମ୍ପାନୀର ବ୍ରାଣ୍ଡ ଇମେଜରେ ଏକ ବଡ ପରିବର୍ତ୍ତନ ହୋଇଥିଲା। ଗତ ୧୫ ବର୍ଷ ମଧ୍ୟରେ, କମ୍ପାନୀ ପ୍ରତ୍ୟେକ ବିଭାଗ ଉପରେ ଧ୍ୟାନ ଦେଇ ୧୫ ଟି ନୂଆ ବ୍ରାଣ୍ଡ ଲଞ୍ଚ କରିଛି।

ରାମପୁର ଡିଷ୍ଟିଲରିଜ୍‌ ନାମରେ ପ୍ରସିଦ୍ଧ ଏହି କମ୍ପାନୀର ଦେଶରେ ୧୪ଟି ପ୍ଲାଣ୍ଟ ଅଛି । ଏହି କମ୍ପାନୀରେ ସାରା ଦେଶରେ ୨୦ଟି ବଟଲିଂ ପ୍ଲାଣ୍ଟ ଅଛି । ଯେଉଁଥିରେ ୫ଟି କମ୍ପାନୀ ମାଲିକାନା ଏବଂ ୨୩ଟି କଣ୍ଟ୍ରାକ୍ଟ ପ୍ଲାନ୍‌ରେ ସାମିଲ୍ । ବର୍ତ୍ତମାନ କମ୍ପାନୀର ପରିଚାଳନା ନିର୍ଦ୍ଦେଶକ ଅଭିଷେକଙ୍କର ଇଞ୍ଜିନିୟରିଂ ଡିଗ୍ରୀ ରହିଛି। ଆଜି ରେଡିକୋ ଖୈତାନ ଭାରତର ଅଗ୍ରଣୀ ବିଦେଶୀ ମଦ ଉତ୍ପାଦନକାରୀ କମ୍ପାନୀ ହୋଇପାରିଛି। ଏହାର ବ୍ରାଣ୍ଡ ୮୫ରୁ ଅଧିକ ଦେଶରେ ଉପଲବ୍ଧ। ଫୋର୍ବସ୍ ଅନୁଯାୟୀ, ପ୍ରିମିୟମ୍ ବ୍ରାଣ୍ଡରେ ବିସ୍ତାର କରିବାର କମ୍ପାନୀର ରଣନୀତି ଫଳପ୍ରଦ ହୋଇଛି। ଏହାର ଆଇକନିକ୍ ଅଫର୍ ପାଇଁ  ବେଶ୍‌ ଜଣାଶୁଣା ବ୍ରାଣ୍ଡ, ଯାହାର ମ୍ୟାଜିକ୍ ମୁମେଣ୍ଟ, 8PM ପ୍ରିମିୟମ୍ ୱିସ୍କି ଅନ୍ତର୍ଭୁକ୍ତ ।  ବର୍ତ୍ତମାନ ଏହାର ବଜାର କ୍ୟାପ୍ ପ୍ରାୟ ୨୩୦୦୦ କୋଟି ଟଙ୍କା ରହିଛି।

   Related Posts