ନୂଆଦିଲ୍ଲୀ: ବିଦେଶୀ ମୁଦ୍ରାକୁ ଦେଶକୁ ଆଣିବା ଏବଂ ଅନ୍ୟ ଦେଶକୁ ଟଙ୍କା ନିଆଯିବା କିମ୍ୱା ନିବେଶ ଉପରେ ବର୍ତ୍ତମାନର ନିୟମରେ ବଡ଼ ପରିବର୍ତ୍ତନ ପାଇଁ ପ୍ରସ୍ତତି ଚାଲିଛି । ବିଶ୍ୱ ଆର୍ଥିକ ସ୍ତରରେ ବର୍ତ୍ତମାନ ସୁଯୋଗର ଲାଭ ନେବା ପାଇଁ ଭାରତୀୟ ଅର୍ଥବ୍ୟବସ୍ଥାରେ ଆବଶ୍ୟକୀୟ ଏହି ପରିବର୍ତ୍ତନର ଏଜେଣ୍ଡା ଆରବିଆଇ ଦ୍ୱାରା ପ୍ରସ୍ତୁତ କରାଯାଇଛି । ଏହି ପରିବର୍ତ୍ତନ ବିଦେଶୀ ବିନିମୟ ପ୍ରବନ୍ଧନ ଆଇନ, ୧୯୯୯ (ଫେମା)ରେ କରାଯିବ ।

ଏହାର ସୂଚନା ନିକଟରେ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଜାରି ବାର୍ଷିକ ରିପୋର୍ଟ ଦିଆଯାଇଛି । ଏହା ଜରିଆରେ ରପ୍ତାନକାରୀଙ୍କୁ ସୁବିଧା ମିଳିବ ଏବଂ ଅନ୍ତରାଷ୍ଟ୍ରୀୟ ବାଜାରରେ ଟଙ୍କାରେ ନେଣଦେଣକୁ ମଧ୍ୟ ପ୍ରୋତ୍ସାହନ ମିଳିବ । ଏହାଛଡ଼ା ଭାରତୀୟ ଉଦ୍ୟୋଗୀଙ୍କୁ ବିଦେଶୀ ବଜାରରୁ ଅଧିକ ଋଣ ନେବା ପାଇଁ ଅନୁମତି ମିଳିବ ।

ପଢନ୍ତୁ: SBIଙ୍କ ରିପୋର୍ଟରେ ସମସ୍ତେ ଆଶ୍ଚର୍ଯ୍ୟ, ଜାଣନ୍ତୁ ଲୋକେ ୨ହଜାର ଟଙ୍କା ନୋଟ୍‌ର କରୁଛନ୍ତି କ’ଣ?

ଏହି ରିପୋର୍ଟରେ ଆରବିଆଇ ୨୦୨୩-୨୪ରେ ଫେମା ନିୟମରେ ଆଠ ପ୍ରକାର ପରିବର୍ତ୍ତନ କଥା ଉଲ୍ଲେଖ କରିଛି । ଏଥିରେ ଏକ ଗୁରୁତ୍ୱପୂର୍ଣ୍ଣ ସଂକେତ ଏହା ଦିଆଯାଇଛି ଯେ, ଫେମା, ୧୯୯୯ରେ ଅପରାଧିକ ନିୟମରେ ବଡ଼ ଧରଣ ସମୀକ୍ଷା କରାଯିବ । ପୂର୍ବରୁ ଏଥିରେ ପରିବର୍ତ୍ତନ କରାଯାଇଛି, କିନ୍ତୁ ଏବେ କେନ୍ଦ୍ରୀୟ ବ୍ୟାଙ୍କ ନିକଟ ବର୍ଷରେ ନିଜ ଅନୁଭବ ଆଧାରରେ ପୁଣି ଥରେ ଏଥିରେ ପରିବର୍ତ୍ତନ କଥା କହିଛି ।

ଏହିପରି ଅନ୍ୟ ଏକ ପରିବର୍ତ୍ତନ ଫେମା ଅଧିନରେ କମ୍ପାନିଗୁଡିକ ଦ୍ୱାରା ଦାଖଲ କରାଯାଉଥିବା ବାର୍ଷିକ ରିପୋର୍ଟ ଉପରେ କରାଯିବ । ଏହି ପୂରା ପ୍ରକ୍ରିୟାକୁ ଅଧିକରୁ ଅଧିକ ସରଳ କରାଇବ ବୋଲି ଆରବିଆଇ ପକ୍ଷରୁ କୁହାଯାଇଛି । ଯାହା ଦ୍ୱାରା ବିଦେଶୀ ମୁଦ୍ରା କାରବାର ସହ ଜଡିତ କମ୍ପାନି ଉପରେ କୌଣସି ଅତିରିକ୍ତ ବୋଝ ପଡ଼ିବ ନାହିଁ ।

କେନ୍ଦ୍ରୀୟ ବ୍ୟାଙ୍କର ପ୍ରସ୍ତବ

ପ୍ରବାସୀଙ୍କ ପାଇଁ ଭାରତୀୟ ମୁଦ୍ରାରେ ଆକାଉଣ୍ଟ ଖୋଲିବା ନେଇ ବର୍ତ୍ତମାନର ପ୍ରକ୍ରିୟା ଅଧିକ ସରଳ କରାଯାଉ । ବିଦେଶୀ ମୁଦ୍ରାର କାରବାର କରୁଥିବା ମନି ଏକ୍ସଚେଞ୍ଜରଙ୍କ ପାଇଁ ନିୟମ ପରିବର୍ତ୍ତନ କରାଯାଉ । ବିଦେଶୀ ମିନିମୟ ପରିଚାଳନା ଆଇନ ଅଧିନରେ କାରବାରର ଗାଇଡଲାଇନର ପରିପର୍ତ୍ତନ କରାଯାଉ ।