ଭଦ୍ରକ ୧୩।୫: ଭଦ୍ରକ ଜିଲ୍ଲାରେ ନିର୍ମାଣ ହେବ ଅକ୍ସିଜେନ ପ୍ଲାଣ୍ଟ ।ଏହି ପ୍ଲାଣ୍ଟକୁ ରାଜପଥ ପ୍ରାଧିକରଣ ବୋର୍ଡ ନିର୍ମାଣ କରିବ । ଏଥିପାଇଁ ଜାତୀୟ ରାଜପଥ ପ୍ରାଧିକରଣ ବୋର୍ଡର ଅଧିକାରୀମାନେ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନା ପରିସରରେ ସ୍ଥାନ ନିରୂପଣ କରିଥିଲେ । ଏବେ ଭଦ୍ରକ ସାଂସଦଙ୍କ ସହ ଜାତୀୟ ରାଜପଥ ପ୍ରାଧିକରଣ ବୋର୍ଡର ପ୍ରକଳ୍ପ ନିର୍ଦ୍ଦେଶକ ଓ ଏକ ଉଚ୍ଚ ସ୍ତରୀୟ କମିଟି ଆଲୋଚନା କରିଛନ୍ତି ।
ଭଦ୍ରକ ସାଂସଦ ମଞ୍ଜୁଲତା ମଣ୍ଡଳଙ୍କ ବାସଭବନରେ ରାଜପଥ ପ୍ରାଧିକରଣର ପ୍ରକଳ୍ପ ନିର୍ଦ୍ଦେଶକଙ୍କ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଓ ଅନ୍ୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ତେବେ ପ୍ରଧାନମନ୍ତ୍ରୀଙ୍କ କଲ୍ୟାଣ ପାଣ୍ଠିରୁ ଦେଶରେ ୫୮୧ଟି ଅକ୍ସିଜେନ ପ୍ଲାଣ୍ଟ ପ୍ରତିଷ୍ଠା ହେବ । ଭଦ୍ରକ ଜିଲ୍ଲାରେ ମଧ୍ୟ ଗୋଟିଏ ଅକ୍ସିଜେନ ପ୍ଲାଣ୍ଟ ନିର୍ମାଣ ହେବ । ପ୍ରାଥମିକତା ଭିତ୍ତିରେ ରାଜ୍ୟର ଦୁଇଟି ଜିଲ୍ଲାରେ କାର୍ଯ୍ୟ ଚାଲିଛି । ଆଗାମୀ ସମୟରେ ଭଦ୍ରକ ଜିଲ୍ଲାର ପ୍ରାୟୋରିଟି ଲିଷ୍ଟ ଆସିଲେ କାର୍ଯ୍ୟ ଆରମ୍ଭ ହେବ ବୋଲି ରାଜପଥ ପ୍ରାଧିକରଣର ପ୍ରକଳ୍ପ ନିର୍ଦ୍ଦେଶକ ସୂଚନା ଦେଇଛନ୍ତି । ଅନ୍ୟପଟେ ରାଜପଥ ସଂପ୍ରସାରଣ କାର୍ଯ୍ୟର ଅଗ୍ରଗତି ବିଷୟରେ ସାଂସଦ ସମୀକ୍ଷା କରିଛନ୍ତି ।
