scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦନ୍ତାହାତୀ ଆକ୍ରମଣରୁ ବଞ୍ଚିବାକୁ ଯାଇ ଖାଲକୁ ଡେଇଁଲେ ଯୁବକ, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି

3/12/2023 at 4:20 PM

ବଡବିଲ : ଦନ୍ତା ହାତୀ ଆକ୍ରମଣରୁ ନିଜକୁ ବଞ୍ଚାଇବାକୁ ଯାଇ ନଜଣେ ଯୁବକ ଗୁରୁତର ଆହତ ହୋଇଛନ୍ତି । ଆହତ ଯୁବକ ହେଉଛନ୍ତି ଚମ୍ପୁଆ ରେଞ୍ଜ ଜୟନ୍ତୀନାପୁର ଗାଁର ଖଗେଶ୍ବର ମୁଣ୍ଡା । ଖବର ଅନୁସାରେ, ଆଜି ଅପରାହ୍ନରେ ଖଗେଶ୍ୱର ଗାଁ ମୁଣ୍ଡରେ ଥିବା ଧାନଖଳାକୁ ଜଗିଥିଲେ । ଏହି ସମୟରେ ଏକ ଗୋଠଛଡା ଦନ୍ତାହାତୀ ଜୟନ୍ତୀନାପୁର ଗ୍ରାମକୁ ପଶି ଆସିଥିଲା ।

ଗ୍ରାମବାସୀ ହାତୀକୁ ଘଉଡେଇବାକୁ ଉଦ୍ୟମ କରୁଥିଲା ବେଳେ, ଦନ୍ତା ହାତୀଟି ଧାନଖଳା ଦେଇ ଚାଲିଯିବାକୁ ଚେଷ୍ଟା କରୁଥିଲା । ତେବେ ଏହି ସମୟରେ ହାତୀ ହାବୁଡରେ ପଡ଼ିଯାଇଥିଲେ ଖଗେଶ୍ୱର । ଦନ୍ତା ତାଙ୍କୁ ଶୁଣ୍ଢରେ ଆକ୍ରମଣ କରିବାକୁ ଉଦ୍ୟମ କରିବାରୁ ସେ ଜୀବନ ବଞ୍ଚାଇବାକୁ ଖାଲକୁ ଡେଇଁ ଗୁରୁତର ଆହତ ହୋଇଛନ୍ତି । ତେବେ ଗାଁ ଲୋକେ ପାଟିକରିବାରୁ ହାତୀଟି ଘଟଣା ସ୍ଥଳରୁ ଚାଲି ଯାଇଥିଲା । ଗ୍ରାମବାସୀ ଆହତ ଖଗେଶ୍ୱରଙ୍କୁ ଉଦ୍ଧାରକରି ଆମ୍ବୁଲାନ୍ସ ଯୋଗେ ଆଣି ଚମ୍ପୁଆ ଉପଖଣ୍ଡ ଡ଼ାକ୍ତରଖାନାରେ ଭର୍ତ୍ତି କରିଥିଲେ ।  ସୂଚନାଯୋଗ୍ୟ କି ଏହି ଗୋଠଛଡ଼ା ଦନ୍ତାହାତୀଟି ମୟୁରଭଞ୍ଜ ପଟୁ ବୈତରଣୀ ନଦୀ ପାର ହୋଇ ଚମ୍ପୁଆ ରେଞ୍ଜର ପତଳା ଜଙ୍ଗଲରେ ପ୍ରବେଶ କରିଥିଲା ।

Also Read: ଜଙ୍କିଆ ଗୋଡିପଡ଼ାରେ ହାତୀ ଉପଦ୍ରବ, ଚାଷୀଙ୍କ କ୍ଷତିପୂରଣ ଦାବି

   Related Posts