ଭଦ୍ରକ ୧୦।୦୯: ମାଛ ଧରିବା ପାଇଁ ଯାଇଥିଲେ । ନଦୀ ରେ ଭାସିଗଲେ ଯୁବକ । ବହୁ ଖୋଜାଖୋଜି କରିବା ପରେ ଉଦ୍ଧାର କଲେ କିନ୍ତୁ ଯୁବକ ଙ୍କ ମୃତ୍ୟୁ ହୋଇଛି । ଘଟଣା ଘଟିଛି ଭଦ୍ରକ ଜିଲ୍ଲା ଗ୍ରାମଞ୍ଚଳ ଥାନା ଅନ୍ତର୍ଗତ ସଇଦାବାଦ ଅଞ୍ଚଳ ରେ ।
ସୂଚନା ଅନୁଯାୟୀ ଭଦ୍ରକ ପୌରାଞ୍ଚଳ ର ସଇଦାବାଦ ନିକଟ ରେ ଥିବା ସାଳନ୍ଦୀ ନଦୀର ଏସକେପ ଠାରେ ମାଛ ଧରିବା ପାଇଁ ଯାଇଥିଲେ । ପରେ ପାଣି ରେ ଗୋଡ ଖସିଯାଇଥିଲା । ଅଗ୍ନିଶମ ବାହିନୀ କୁ ମଧ୍ୟ ଖବର ଦେଇଥିଲେ । କିନ୍ତୁ ସ୍ଥାନୀୟ ଲୋକେ ଖୋଜା ଖୋଜି ବେଳେ ଯୁବକଙ୍କୁ ଠାବ କରିଥିଲେ । ସେତିକି ବେଳକୁ ଯୁବକଙ୍କ ମୃତ୍ୟ ହୋଇଥିବା ସୂଚନା ମିଳିଛି । ତେବେ ମୃତକ ଙ୍କ ନାମ ଜଲାଉଦ୍ଦିନ ବୋଲି ସୂଚନା ମିଳିଛି ।