ନୂଆଦିଲ୍ଲୀ: ଗ୍ଲୋବାଲ ହାପିନେସ୍ ଇଣ୍ଡେକ୍ସ ରିପୋର୍ଟ ୨୦୨୩ ଜାରି ହୋଇଛି । ଏଥିରେ ସାରା ଦୁନିଆର ସବୁଠୁ ସୁଖୀ ଦେଶଗୁଡିକର ରାଙ୍କିଂ ଜାରି କରାଯାଇଛି । ତେବେ ଏହି ସୂଚୀର ଶୀର୍ଷ ୨୦ରେ ଦକ୍ଷିଣ ଏସିଆର ଗୋଟିଏ ବି ଦେଶ ନାହାନ୍ତି । ରାଙ୍କିଂର ଶୀର୍ଷରେ ଫିନଲାଣ୍ଡ ରହିଛି । ଲଗାତାର ଷଷ୍ଠ ବର୍ଷରେ ଫିନଲାଣ୍ଡ ଏହି ସ୍ଥାନରେ ରହିଛି । ଫିନଲାଣ୍ଡର ଜନସଂଖ୍ୟା ୫୫ ଲକ୍ଷରୁ ଅଧିକ ଅଟେ । ହାପିନେସ୍ ସୂଚକାଙ୍କରେ ଫିନଲାଣ୍ଡକୁ ୭.୮୨ ଅଙ୍କ ମିଳିଛି ।
ହାପିନେସ ସୂଚକାଙ୍କରେ କୌଣସି ଦେଶର ଜିଡିପି, ଏଠାରେ ଜୀବନର ମାନ ଏବଂ ହାରାହାରି ବୟସ ଆଧାରରେ ରାଙ୍କିଂ ଜାରି କରାଯାଇଥାଏ । କରୋନା କାଳରେ ୨୦୨୦-୨୨ ମଧ୍ୟରେ ଏହି ରାଙ୍କିଂ ଜାରି କରାଯାଇ ନଥିଲା । ୟୁଏନଡିପି ନେଟୱାର୍କ ଅଧିନରେ ପ୍ରକାଶିତ ଏହି ରିପୋର୍ଟ ୧୩୭ରୁ ଅଧିକ ଦେଶର ବିଶ୍ୱ ସର୍ଭେକ୍ଷଣ ଡାଟା ଉପରେ ଆଧାରିତ ଅଟେ ।
ରିପୋର୍ଟ ଅନୁସାରେ ପ୍ରଥମ ସ୍ଥାନରେ ଫିନଲାଣ୍ଡ, ଦ୍ୱିତୀୟରେ ଡେନମାର୍କ ରହିଛି । ସାରା ଦୁନିଆରେ ନିଜ ସୁନ୍ଦର ପରିଶେଷ ପାଇଁ ପରିଚିତ ଥିବା ଆଇସଲାଣ୍ଡ ତୃତୀୟରେ ରହିଛି । ଚତୁର୍ଥ ସ୍ଥାନରେ ଇସ୍ରାଏଲ ଏବଂ ପଞ୍ଚମ ସ୍ଥାନରେ ନେଦରଲାଣ୍ଡ ରହିଛି । ସୁଖୀ ଦେଶ ତାଲିକାର ଷଷ୍ଠ ସ୍ଥାନରେ ସ୍ୱୀଡେନ ରହିଛି । ସପ୍ତମ ସ୍ଥାନରେ ନରୱେ, ଅଷ୍ଟମରେ ସ୍ୱିଜରଲାଣ୍ଡ, ନବମ ସ୍ଥାନରେ ଲକଜେମବର୍ଗ ଏବଂ ଦଶମ ସ୍ଥାନରେ ନ୍ୟୁଜିଲାଣ୍ଡ ରହିଛି । ୧୩୭ ଦେଶର ସୂଚୀରେ ଭାରତ ୧୨୬ତମ ସ୍ଥାନରେ ରହିଛି ।
