କେନ୍ଦ୍ରାପଡ଼ା 26/11 : ଧରମର ମାସ କାର୍ତ୍ତିକ । ମାସ ସାରା ଘରେ ଘରେ ପାଳନ ହୁଏ ବ୍ରତ । ଆଉ ଶେଷଦିନରେ ଅର୍ଥାତ୍ ପୂର୍ଣ୍ଣମୀରେ ଡଙ୍ଗା ଭସାଇ ମାସଯାକ ହବିଷର ହୁଏ ସମାପନ । କାହିଁ କେଉଁ କାଳୁ ପ୍ରତିଟି ଓଡ଼ିଆ ପାଳି ଆସୁଛନ୍ତି ପରମ୍ପରା । କାର୍ତ୍ତିକ ପୂର୍ଣ୍ଣମୀରେ ପ୍ରତ୍ୟେକ ଓଡିଆ ନଦୀ ଓ ପୋଖରୀରେ ଭସାଇଥାନ୍ତି ଡଙ୍ଗା । ଆଉ ପ୍ରତିବର୍ଷ ମାସେ ଆଗରୁ ଲାଗିଯାଏ ଡଙ୍ଗାର ପସରା । ଏମିତି କିଛି ପରିବାର ବଞ୍ଚାଇ ରଖିଛନ୍ତି ପରମ୍ପରା । କେନ୍ଦ୍ରାପଡା ଜିଲ୍ଲା ମାର୍ଶାଘାଇ ବ୍ଲକ ମଣିକୁଣ୍ଡା ପଞ୍ଚାୟତ ମଣିକୁଣ୍ଡା ଗାଁର ପୂରା ପରିବାର ଡଙ୍ଗା ପ୍ରସ୍ତୁତିରେ ପରିବାର।

wp:html /wp:html

ବଜାରରେ ମିଳୁଛି ଭଳିକି ଭଳି ଡଙ୍ଗା । ହେଲେ କାଗଜ ଡ଼ଙ୍ଗାର ରହିଛି ସ୍ୱତନ୍ତ୍ର ଛାପ । ମାଳି ସମ୍ପ୍ରଦାୟର ଲୋକେ ପ୍ରତିବର୍ଷ କରିଥାନ୍ତି ପ୍ରସ୍ତୁତି । ମାସେ ପୂର୍ବରୁ ସୋଲ ସଂଗ୍ରହ କରି ସେସବୁ କାଟି ସେଥିରେ ବିଭିନ୍ନ ପ୍ରକାରର ରଙ୍ଗ ଦିଆଯାଏ । ପରେ ଆହୁରି ସୁନ୍ଦର ଓ ଆକର୍ଷଣୀୟ କରିବା ପାଇଁ ସେଥିରେ ରଙ୍ଗୀନ କାଗଜ ସହ ଲଗାଯାଇଥାଏ ଝାଲେରି । ପ୍ଲାଷ୍ଟିକ ଓ କର୍କ ସୋଲରେ ତିଆରି ଡଙ୍ଗା ବଜାରରେ ଶସ୍ତାରେ ମିଳୁଛି । ଫଳରେ ଦେଶୀ ସୋଲ ଓ କାଗଜ ରେ ପ୍ରସ୍ତୁତ ଡଙ୍ଗା ଧୀରେ ଧୀରେ ଚାହିଦା କମଉଛି । ଫଳରେ ବେଶି ପରିଶ୍ରମ କରି ବି କମ୍ ଲାଭ ପାଉଛନ୍ତି ମାଳି ପରିବାର ।

Also Read- ଝଲସି ଉଠିଲା ମହାନଦୀ ପଠା, ଏକାସାଙ୍ଗେ ଜଳିଲା ୧୦ ହଜାର ଦୀପ

କେବଳ କୌଳିକ ବୃତ୍ତି ବଞ୍ଚିରହିଛି ସଂସ୍କୃତି ଓ ପରମ୍ପରା । ପରମ୍ପରା କେବଳ ଗ୍ରାମାଞ୍ଚଳ ନୁହେଁ,ବର୍ଂ ସହରରେ ବି ଏହାର ଚାହିଦା ରହିଛି । ହୁଏତ ସହରରେ ବିଭିନ୍ନ କିସମର ଡଙ୍ଗା ମିଳୁଛି, କିନ୍ତୁ ଗ୍ରାମାଞ୍ଚଳରେ ରହିଛି କାଗଜ ଡଙ୍ଗାର ଚାହିଦା । ପରିଶ୍ରମ ଅନୁସାରେ ସେହି ପରିମାଣର ପାଉଣା ମିଳୁନଥିବାରୁ ଆସ୍ତେ ଆସ୍ତେ ଏହି ପରମ୍ପରରା ବୁଡିବାକୁ ବସିଲାଣି। ତଥାପି କିଛି ପରିବାର କାମ ନଛାଡି ବଞ୍ଚାଇ ରଖିଛନ୍ତି କୌଳିକ ବୃତ୍ତି ।

ପରମ୍ପରା ଆଜି ଆମକୁ ପରିଚୟ ଦେଇଛି ସେଥିଲାଗି, ଏହାକୁ ବଞ୍ଚାଇରଖିବାକୁ ହେଲେ ସମସ୍ତେ ଏହାକୁ ଆପଣେଇବାର ଆବଶ୍ୟକତା ରହିଛି।