scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ନର୍କ ଆଡକୁ ଆମେ ବଢ଼ି ଚାଲିଛୁ, ଆମ ପାଦ ଏକ୍ସିଲେଟର ଉପରେ ଅଛି: ଜାତିସଂଘ ମହାସଚିବ

10/11/2022 at 6:58 PM

ନୂଆଦିଲ୍ଲୀ: ଭୟଙ୍କର ଚେତାବନୀ ସହ ଆରମ୍ଭ ହୋଇଛି ଶର୍ମ ଅଲ ଶେଖରେ ଜଳବାୟୁ ସମ୍ମିଳନୀ କୋପ-୨୭ । ଜାତିସଂଘ ମହାସଚିବ ଗୁଟେରସ ଏବଂ ଅନ୍ୟ ବିଶେଷଜ୍ଞ ଚେତାବନୀ ଦେଇ କହିଛନ୍ତି, ଭବିଷ୍ୟତ ଅନ୍ଧାରମୟ ଏବଂ ସବୁକିଛି ଠିକ୍ କରିବା ପାଇଁ ପାଖରେ କମ ସମୟ ରହିଛି ।

ଗୁଟେରସ କହିଛନ୍ତି, ମଣିଷଙ୍କ ପାଖରେ ଦୁଇଟି ବିକଳ୍ପ ରହଛି । ସହଯୋଗ ନଚେତ ବିନାଶ । ଜଳବାୟୁ ପ୍ରସଙ୍ଗରେ ଏକ ହେବା ନଚେତ ସାମୁହିକ ଆତ୍ମହତ୍ୟା । ସେ ଚେତାବନୀ ଦେଇ କହିଛନ୍ତି, ବର୍ତ୍ତମାନ ଯେଉଁ ଦିଗରେ ଅଛୁ, ତାହା ଦର୍ଶାଉଛି ଯେ ଆମେ ଜଳବାୟୁ-ନର୍କ ରସ୍ତାରେ ଚାଲୁଛୁ ଏବଂ ଆମ ପାଦ ଏକ୍ସିଲେଟର ଉପରେ ରହିଛି ।

ଗୁଟେରସ କହିଛନ୍ତି, ଜୀବାସ୍ମ ଇନ୍ଧନକୁ ଛାଡି ବୈକଳ୍ପିକ ଉର୍ଜା ଆପଣାଇବାକୁ ପଡିବ । ବୈକଳ୍ପିକ ଉର୍ଜାର ବ୍ୟବାହର ଗତିକୁ ବଢାଇବା ପାଇଁ ସବୁଠୁ ଧନୀ ଏବଂ ସବୁଠୁ ଗରିବ ଦେଶଙ୍କ ମଧ୍ୟ ଗୋଟିଏ ବୁଝାମଣା ଜରୁରୀ । ଏହାସହ ଗରିବ ଦେଶଗୁଡିକୁ ତୁରନ୍ତ ରାଷ୍ଟ୍ର ଅର୍ଥ ରାଶି ଯୋଗାଇବାକୁ ସେ ଅପିଲ କରିଛନ୍ତି । ଏହାସହ କୋପ-୨୭ରେ ସାମିଲ ନେତାଙ୍କୁ ସେ ଆହ୍ୱାନ ଦେଇ ସ୍ପଷ୍ଟ ଏବଂ ସୟମବଦ୍ଧ ରାସ୍ତାରେ ସହମତି ପ୍ରକାଶ କରିବାକୁ କହିଛନ୍ତି ।

ଦୁନିଆର ଅନେକ ବଡ଼ ନେତା କୋପ-୨୭ର ଉଦଘାଟନୀ ଅଧିବେସନକୁ ସମ୍ୱୋଧିତ କରିଛନ୍ତି । ଜର୍ମାନୀ ଚାନସେଲର ଓଲାଫ ସ୍କୋଲଜ୍ ୨୦୨୫ ସୁଦ୍ଧା ଜଳବାୟୁ ପରିବର୍ତ୍ତନ ମୁକାବିଲା ପାଣ୍ଠିରେ ନିଜ ଦେଶର ସହଯୋଗ ରାଶିକୁ ବଢାଇ ବାର୍ଷିକ ଛଅ ବିଲିୟନ ଡଲାର କରିବାକୁ ଘୋଷଣା କରିଛନ୍ତି । ଏହାସହ ୨୦୪୫ ସୁଦ୍ଧା କାର୍ବନ ନ୍ୟୁଟରାଲ କରିବା ନେଇ ନିଜ ଲକ୍ଷ୍ୟକୁ ଦୋହରାଇଛନ୍ତି । ଅନ୍ୟପଟେ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନ ଜଳବାୟୁ ପରିବର୍ତ୍ତନ ଉପରେ ରୁଷ-ୟୁକ୍ରେନ ଯୁଦ୍ଧର ପ୍ରଭାବ କଥା ଉଲ୍ଲେଖ କରିଛନ୍ତି । ସେହିପରି ଋଷି ସୁନକ ଏଥିରୁ ନୂଆ ସମ୍ଭାବନାର କଥା କହିଛନ୍ତି । ଜଳବାୟୁ ପରିବର୍ତ୍ତନ ବିରୋଧରେ ଆମ ସଂଘର୍ଷକୁ ନୂତନ ରୋଜଗାର ଏବଂ ନୂଆ ବିକାଶ ପାଇଁ ଏକ ଅଭିଯାନରେ ବଦଳାଇ ପାରିବା ଏବଂ ନିଜ ଭବିଷ୍ୟତ ପିଢି ପାଇଁ ଏକ ସବୁଜ ଗ୍ରହ ଦେଇପାରିବା ବୋଲି କହିଛନ୍ତି ।

   Related Posts