ନୂଆଦିଲ୍ଲୀ: ମଧ୍ୟ ପ୍ରଦେଶର ବାଲାଘାଟର ଏକ ମନ୍ଦିରରୁ ଅକ୍ଟୋବର ୨୪ରେ ଚୋରି ହୋଇଥିଲା । ଚୋର ଏକ ଜୈନ ମନ୍ଦିରରୁ ଅନେକ ମୂଲ୍ୟବାନ ସାମଗ୍ରୀ ଚୋରି କରିଥିଲା । ଏହି ମାମଲାରେ ଏକ ବଡ଼ ଖବର ସାମନାକୁ ଆସିଛି । ଜୈନ ମନ୍ଦିରରୁ ଚୋରି କରିଥିବା ସବୁ ସାମଗ୍ରୀକୁ ଚୋର ଫେରାଇ ଦେଇଛି । ଏହାସହ ଚୋର ଏକ ଚିଠି ମଧ୍ୟ ଛାଡି ଯାଇଛି । ଚୋରର ଚିଠି ଏବେ ସୋସିଆଲ ମିଡିଆରେ ବେଶ ଭାଇରାଲ । ଚିଠି ସହ ମନ୍ଦିରରୁ ଚୋରି କରିଥିବା ସୁନା ଏବଂ ରୁପା ଅଳଙ୍କରାକୁ ଫେରାଇ ଦେଇଛି ।
ଚୋରର ଚିଠି ଏବେ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଚୋର ନିଜ ଚିଠିରେ ଲେଖିଛି, 'ମୋ ଦ୍ୱାରା ଯେଉଁ ଭୁଲ ହୋଇଛି ସେଥିପାଇଁ କ୍ଷମା କରନ୍ତୁ । ଏହି ସାମଗ୍ରୀ ଦ୍ୱାରା ମୋତେ ଅନେକ କ୍ଷତି ପହଞ୍ଚିଛି, ତେଣୁ ମୁଁ ଏହି ସାମଗ୍ରୀ ଫେରାଉଛି' । ଏହାସହ ଚୋର ଲେଖିଛି, 'ଯାହାକୁ ଏହି ସାମଗ୍ରୀ ମିଳିବ, ଜୈନ ମନ୍ଦିରରେ ଦେଇଦେବେ' । ତେବେ ଚୋର ନିଜ ବାବଦରେ କିଛି ଉଲ୍ଲେଖ କରିନାହିଁ । ଚିଠିର ଶେଷରେ ମୁଁ ଏକ ନିରୁଦ୍ଧିଷ୍ଟ ନିବାସୀ ବୋଲି ଚୋର ଲେଖିଛି ।
ଚୋର ଲକ୍ଷ ଲକ୍ଷ ଟଙ୍କାର ସାମଗ୍ରୀ ଫେରାଇ ଦେଇଛି । ସୂଚନା ଅନୁସାରେ, ଜୈନ ମନ୍ଦିର ନିକଟ ପଞ୍ଚାୟତ ଭବନ ନିକଟରେ ଚୋରି ସାମଗ୍ରୀ ଛାଡି ଯାଇଥିଲା। ଚୋରର ଏହି ବ୍ୟବହାରରେ ସମସ୍ତେ ଅଶ୍ଚର୍ଯ୍ୟ ହୋଇଛନ୍ତି। ଅନ୍ୟପଟେ ପୋଲିସ ଏବେବି ଚୋର ସନ୍ଧାନ ଜାରି ରଖିଛି।
