ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

‘ସୁନ୍ଦରୀ ଭଲ ଅଛି, ତାକୁ ନେଇଯାଅ’… ମଧ୍ୟପ୍ରଦେଶ ବନ ବିଭାଗକୁ ଓଡ଼ିଶାର ଚିଠି

4/03/2020 at 4:32 PM

ଭୁବନେଶ୍ବର୪।୩ : ଦେଢ଼ ବର୍ଷ ହେବ ବନ୍ଦୀ ଥିବା ବାଘୁଣୀ ‘ସୁନ୍ଦରୀ’କୁ ଶୀଘ୍ର ଓଡ଼ିଶାରୁ ନେବା ପାଇଁ ରାଜ୍ୟ ସରକାର ମଧ୍ୟପ୍ରଦେଶ ବନ ବିଭାଗକୁ ଚିଠି ଲେଖିଛନ୍ତି । ବାଘୁଣୀ ‘ସୁନ୍ଦରୀ’ କେମିତି ଅଛି ବୋଲି ମଧ୍ୟପ୍ରଦେଶ ବନ ବିଭାଗ ପକ୍ଷରୁ ଓଡ଼ିଶାକୁ ଚିଠି ମାଧ୍ୟମରେ ପଚରାଯାଇଥିଲା ।

ଏହାର ଉତ୍ତରରେ ରାଜ୍ୟ ବନ ବିଭାଗ କହିଛି, ‘ସୁନ୍ଦରୀ’  ସୁସ୍ଥ ଅଛି । ‘ସୁନ୍ଦରୀ’ର କୌଣସି ସମସ୍ୟା ନାହିଁ । ତେଣୁ ଏହି ଜଙ୍ଗଲୀ ବାଘୁଣୀକୁ ନେବା ପାଇଁ ମଧ୍ୟପ୍ରଦେଶ ସରକାର ବ୍ୟବସ୍ଥା ଗ୍ରହଣ କରିବା ପାଇଁ କୁହାଯାଇଛି । ମଧ୍ୟପ୍ରଦେଶ ବନ ବିଭାଗ ‘ସୁନ୍ଦରୀ’ର ସ୍ୱାସ୍ଥ୍ୟ ବସ୍ଥା ବାବଦରେ ଜାଣିବାକୁ ଚାହିଁଥିଲା । ଓଡ଼ିଶା ବନ ବିଭାଗ ପକ୍ଷରୁ ଏ ନେଇ ଏକ ରିପୋର୍ଟ ପଠାଯାଇଛି । ଏଥିରେ କୁହାଯାଇଛି, ‘ସୁନ୍ଦରୀ’ ପୂରା ଫିଟ୍‌ ଅଛି । ଏବେ ବି ଛୋଟ ଶିକାରକୁ ବାଘୁଣୀ ‘ସୁନ୍ଦରୀ’ ପାଣିରେ ବୁଡ଼ାଇ ମାରୁଛି । ହେଲେ ଓଜନିଆ ବଡ଼ ଶିକାର ପାଇଁ ତାକୁ ଅଧିକ କସରତ କରିବାକୁ ପଡ଼ୁଛି । ସିସିଟିଭି ମାଧ୍ୟମରେ ତା’ ଉପରେ ନଜର ରଖାଯାଇଛି ।

ସାତକୋଶିଆରେ ପୂର୍ବରୁ ଥିବା ବାଘୁଣୀ ସହ ଏକକ୍ଲୋଜର ଭିତରେ ଥାଇ ଗତ ୧୩ ମାସ ଭିତରେ ‘ସୁନ୍ଦରୀ’ ୨୫୩ ଥର ମୁହାଁମୁହିଁ ହୋଇଛି । ୫୦ ଥର ଉଭୟ ବାଘୁଣୀ ଆକ୍ରାମଣାତ୍ମକ ଭାବଭଙ୍ଗୀ ଦେଖାଇଥିବାବେଳେ ୪ ଥର ‘ସୁନ୍ଦରୀ’ ସେଠାରୁ ପଛକୁ ହଟିଥିବା ସିସିଟିଭିରୁ ଦେଖିବାକୁ ମିଳିଛି । ‘ସୁନ୍ଦରୀ’ର ଓଜନ ଏବେ ପ୍ରାୟ ଦେଢ଼ କୁଇଣ୍ଟାଲ ରହିଛି । ତା’କୁ ଶୀଘ୍ର ମଧ୍ୟପ୍ରଦେଶର କାହ୍ନା ଅଭୟାରଣ୍ୟ ଅନ୍ତର୍ଗତ ଘାରୋଲା ସେଣ୍ଟରକୁ ନେବା ପାଇଁ ବନ ବିଭାଗ ମଧ୍ୟପ୍ରଦେଶ ସରକାରଙ୍କୁ ଜଣାଇଛି ।

   Related Posts