ନୂଆଦିଲ୍ଲୀ 03/02 : ଜୀବନରେ କିଛି ଚାହିଁଲେ ତୁରନ୍ତ ମିଳିଯାଏନି। ଏହାକୁ ପାଇବାକୁ ଆମକୁ ଖୁବ୍ ପରିଶ୍ରମ କରିବାକୁ ପଡ଼ିଥାଏ। ଅନେକ ବାଧା ଆସେ କିନ୍ତୁ ହାର୍ ନମାନି ଆଗକୁ ବଢ଼ିଲେ ସଫଳତା ନିଶ୍ଚୟ ମିଳିଥାଏ। ଆମେ ଆଜି ଆପଣଙ୍କୁ ସେମିତି ଏକ ସଂଘର୍ଷର କାହାଣୀ କହିବୁ।

ଭୋକ ଲାଗୁଛି। ପାଖରେ କିଛି ନାହିଁ।  ବାହାରକୁ ଯାଇ ଆଣିବାକୁ ଇଚ୍ଛା ନାହିଁ। ଆଉ ନିଜ ପ୍ରିୟ ରେସ୍ତୋରାଣ୍ଟରୁ ଖାଇବାକୁ ଇଚ୍ଛା। ଏଥିପାଇଁ ତୁରନ୍ତ ମୋବାଇଲ୍ ବାହାର କରନ୍ତୁ।  ଜୋମାଟୋକୁ ଯାଆନ୍ତୁ  ଆଉ ନିଜ ପସନ୍ଦର ଖାଦ୍ୟ ଅର୍ଡର କର। କିଛି ସମୟ ପରେ ଆସି ପହଞ୍ଚିଯିବ ଖାଦ୍ୟ। ଘରେ ବସି ଉଠାଇପାରିବେ ଖାଇବାର ମଜା। ଏ ସୁବିଧା ଆମକୁ ଯୋଗାଇଛନ୍ତି, ଦୀପିନ୍ଦର ଗୋଏଲ୍ ଓ ପଙ୍କଜ ଚଡ୍ଡା।

ଆମେ ଆଜି କଥା ହେବା ଜୋମାଟୋର ସିଇଓ ଦୀପିନ୍ଦର ଗୋଏଲଙ୍କ ବିଷୟରେ। ଏବେ ତାଙ୍କର ଆୟ କୋଟି କୋଟି ଟଙ୍କା। କିନ୍ତୁ ଆପଣ ଜାଣନ୍ତି କି, କୋଟି କୋଟି ଟଙ୍କାର କମ୍ପାନୀ ଛିଡ଼ା ଦୀପିନ୍ଦରଙ୍କୁ କେତେ ସଂଘର୍ଷ କରିବାକୁ ପଡ଼ିଛି। ଆସନ୍ତୁ ସେ ବିଷୟରେ ଜାଣିବା ଦୀପିନ୍ଦର ଏକ ସାଧାରଣ ପରିବାରର ପିଲା। ବାପା ମା ଆଶା ରଖିଥିଲେ ପୁଅ ପାଠ ପଢ଼ି, ଭଲ ଚାକିରିଟେ କରିବ। କିନ୍ତୁ ଦୀପିନ୍ଦରଙ୍କ ମନରେ ଚାଲିଥିଲା କିଛି ଭିନ୍ନ। ସେ ପାଠ ପଢ଼ାରେ ସେତେଟା ଭଲ ନଥିଲେ। ସେଥିପାଇଁ 2ଥର ଅର୍ଥାତ୍ ଷଷ୍ଟ ଓ ଏକାଦଶରେ କ୍ଲାସରେ ହୋଇଥିଲେ ଫେଲ୍। ଏହାପରେ ତାଙ୍କୁ ଅନେକ କଥା ଶୁଣିବାକୁ ପଡ଼ିଥିଲା। ଏହି ଘଟଣା ପରେ ଦୀପିନ୍ଦର କିଛି କରିବାକୁ ଧରି ବସିଥିଲେ ଜିଦ୍। ମନ ଲଗେଇ ପାଠ ପଢ଼ିଲେ। ଆଉ ଦିନରାତି ପରିଶ୍ରମ କରି କରିଥିଲେ ଆଇଆଇଟି କ୍ୱାଲିଫାଏ। ଆଇଆଇଟିରୁ ଡିଗ୍ରୀ ହାସଲ କରିବା ପରେ ସେ  ମଲ୍ଟି ନେସନାଲ୍ କମ୍ପାନୀ ‘ବ୍ୟାନ୍ ଆଣ୍ଡ୍ କମ୍ପାନୀ’ରେ କାମ କରିଥିଲେ। ସେ ସମୟରେ ଦୀପିନ୍ଦର ଅଫିସରେ ଯାଇ କ୍ୟାଣ୍ଟିନରେ ଖାଇବାକୁ ଅପେକ୍ଷା କରି ରହୁଥିଲେ। ସେତେବେଳେ ସେ ଅନୁଭବ କଲେ ଯେ, ଏଥିରେ ବହୁତ ସମୟ ଯାଉଛି।  ସେ ଖାଦ୍ୟର ମେନ୍ୟୁ ସ୍କାନ କରି ଏହାକୁ ଅନଲାଇନରେ ଅପଲୋଡ୍ କରିଥିଲେ।  ଯାହାକୁ ଲୋକମାନେ ଖୁବ୍ ପସନ୍ଦ କରିଥିଲେ। ଏହିଠାରେ ତାଙ୍କୁ  ଜୋମାଟୋର ମିଳିଥିଲା ଆଇଡିଆ।

ଅନଲାଇନ୍ ମେନ୍ୟୁରେ ଭଲ ପ୍ରତିକ୍ରିୟା ମିଳୁଥିବା ଦେଖି ସେ ଏକ ୱେବସାଇଟ୍ ଖୋଲିବାକୁ ଚିନ୍ତା କଲେ, ଯେଉଁଠାରେ ଲୋକମାନେ ନିକଟସ୍ଥ ରେଷ୍ଟୁରାଣ୍ଟ ବିଷୟରେ ସୂଚନା ପାଇପାରିବେ।  ତାଙ୍କ ସହକର୍ମୀ ପଙ୍କଜ ଚାଡ୍ଡାଙ୍କ ସହ ମିଶି ସେ 2008ରେ ‘ଫୁଡି ବେ’ ଖୋଲିଥିଲେ। ଯେଉଁଥିରେ ରେଷ୍ଟୁରାଣ୍ଟ ମେନ୍ୟୁକୁ ନେଇ ସମୀକ୍ଷା ବି ହୋଇଥିଲା। ​ପରେ  ଫୁଡବେ ଜୋମାଟୋରେ ପରିଣତ ହୋଇଥିଲା।   ଫୁଡ୍ ସେକ୍ଟରରେ ଏହି ୱେବସାଇଟ୍ ଏତେ ଲୋକପ୍ରିୟ ହେବାକୁ ଲାଗିଲା।  ପ୍ରଥମେ ମେନ୍ୟୁ କାର୍ଡ ଅପଲୋଡ ହେବାକୁ ଲାଗିଲା।  2008ପର୍ଯ୍ୟନ୍ତ ପାଖାପାଖି 1400ରୁ ଅଧିକ ରେସ୍ତୋରାଣ୍ଟ ରେଜିଷ୍ଟ୍ରେସନ କରିସାରିଥିଲେ। ସବୁଠୁ ଅଧିକ ଦିଲ୍ଲୀ ଅନସିଆରର ଥିଲା। ଧିରେଧିରେ ଏହା ମୁମ୍ବାଇ ଓ କୋଲକତା ସମେତ ଅନେକ ବଡ଼ ବଡ଼ ଦେଶରେ ହୋଇଛି ସାମିଲ୍। ଲୋକପ୍ରିୟ ହେବା କାରଣରୁ ଦୁହେଁ ଚାକିରି ଛାଡ଼ି ଏଥିରେ କାମ କରିବା ଆରମ୍ଭ କଲେ।  ଅନେକ ବଡ଼ ବଡ଼ କମ୍ପାନୀ ଏଥିରେ ନିବେଶ କରିବା ଆରମ୍ଭ କଲେ।  ଆଉ ଏହା ଭାରତରେ ରଚିଥିଲା ଇତିହାସ।

ପରେଏହା ଏକ ଫୁଡ୍ ଏଗ୍ରିଗେଟର୍ କମ୍ପାନୀ ହୋଇଗଲା, ଅର୍ଥାତ୍ ଏକ କମ୍ପାନୀ ଯାହାର ନିଜର କିଛି ନାହିଁ। ରେଷ୍ଟୁରାଣ୍ଟରୁ ଖାଦ୍ୟ ନେଇ ଏହାକୁ ଲୋକଙ୍କ ନିକଟରେ ପହଞ୍ଚାଇବା କାମ କରେ ।ଭାରତରେ ସଫଳତା ପାଇବା ପରେ 2012ରେ କମ୍ପାନୀ ତୁର୍କୀ ଏବଂ ବ୍ରାଜିଲରେ ପହଞ୍ଚିଥିଲା ​​। ଗତ 10ବର୍ଷ ମଧ୍ୟରେ, ଏହି କମ୍ପାନୀ 24ଟି ଦେଶକୁ ବିସ୍ତାର କରିଛି। ଏଥି ମଧ୍ୟରେ ଗୋଟିଏ କୋଠରୀରୁ ଆରମ୍ଭ ହୋଇଥିବା ଦୀପିନ୍ଦର ଗୋୟଲଙ୍କ କମ୍ପାନୀର ବାର୍ଷୀକ ଆୟ 1222 କୋଟିରୁ ଅଧିକ।