ନୀଳଗିରି, ୨୦/୧୦: ପରିଣତ ବୟସରେ ବାପା- ମାଆ ପୁଅର ସେବାକୁ ଅନାଇ ବସିଥାନ୍ତି । ହେଲେ ଆଜିର ସମାଜରେ ଏମିତି ବି ପୁଅ ଅଛନ୍ତି ଯିଏ କି ବାପା ମାଆ ପାଖରୁ ଅଲଗା ରହିବା ସହ ତାଙ୍କୁ ବିଭିନ୍ନ କଥାରେ ହଇରାଣ କରିଥାନ୍ତି । ଏଭଳି ଏକ ଘଟଣା ବାଲେଶ୍ଵର ଜିଲ୍ଲା ନୀଳଗିରି ଏନଏସି ୧୩ ନମ୍ବର ୱାର୍ଡ ଗୋପୀନାଥପୁର ଅଞ୍ଚଳରେ ଦେଖିବାକୁ ମିଳିଛି ।

wp:html https://youtu.be/7kxmy_Q8pyo /wp:html

ସୂଚନାଯୋଗ୍ୟ ଗୋପୀନାଥପୁର ଗ୍ରାମର ପାଇକସାହିରେ ଉପେନ୍ଦ୍ର ପ୍ରଧାନ ଓ ତାଙ୍କ ସ୍ତ୍ରୀ ସୁବାସିନୀ ଅଲଗା ରୁହନ୍ତି । ପୁଅଥିଲେ ମଧ୍ୟ ତାଙ୍କୁ ପର କରିଦେବାରୁ ପରିଣତ ବୟସରେ ଦୁଇଜଣ ନିଜେ କଷ୍ଟ କରି ଚଳନ୍ତି। ପୁଅ ପୂର୍ବରୁ ବାପା-ମାଙ୍କୁ ଘର ନିର୍ମାଣ ପାଇଁ ବିରୋଧ କରିବା ସହ ଗାଳିଗୁଳଜ ନେଇ ଥାନାରେ ଘଟଣା ପହଞ୍ଚିଥିଲା । ଏବେ ପୁଣି ପାଇଖାନା ନିର୍ମାଣ କରିବାକୁ ବିରୋଧ କରି କାମକୁ ଭାଙ୍ଗି ଦେଉଛନ୍ତି। ଆଜି ଦୁଇ ବୃଦ୍ଧ ଦମ୍ପତ୍ତି ନ୍ୟାୟ ପାଇଁ ଉପଜିଲ୍ଲାପାଳଙ୍କ ଠାରେ ଫେରାଦ ହୋଇଛନ୍ତି। ସେପଟେ ଉପଜିଲ୍ଲାପାଳ ଘଟଣାର ତଦନ୍ତ କରି କାର୍ଯ୍ୟାନୁଷ୍ଠାନ ନେବାସହ ଦରକାର ପଡ଼ିଲେ ନୂତନ ପାଇଖାନା ଗୃହ ପ୍ରଦାନ କରିବେ ବୋଲି କହିଛନ୍ତି ।